Tume ya Vyuo Vikuu nchini TCU imefuta hati za usajili wa vyuo vikuu vishiriki vitano, vyuo vikuu vitatu na chuo kikuu kishiriki kimoja baada ya kushindwa kufanya maboresho waliyopewa kwa zaidi ya miaka mitatu.

Taarifa zaidi na Angella Mathayo.

Hayo yamesemwa na katibu mtendaji wa TCU  Profesa Charles Kihampa wakati akizungumza na waandishi wa habari jijini Dar es Salaam, ambapo ameeleza kuwa vyuo hivyo vimeshindwa kujirekebisha na hata vingepewa muda zaidi visingeweza.

Katika hatua nyingine TCU imefuta hati za usajili za vyuo vikuu vitatu na chuo kikuu kishiriki kimoja baada ya baada ya kushindwa kufanya maboresho kwa muda waliopewa ikiwa ni pamoja na uhaba wa rasilimali fedha katika kujiendesha.

TCU imerejesha udahili wa wanafunzi wapya katika chuo kikuu kishiriki cha afya na sayansi shirikishi cha Mt. Fransisko baaada ya kurekebisha mapungufu yaliyokuwepo.

Aidha, TCU imesitisha udahili wa wanafunzi wapya wa chuo kikuu cha kumbukumbu ya Sebastian Kolowa ambapo chuo hicho kimepewa miezi sita  kuweza kukamilisha utekelezaji wa maelekezo ya tume.

                                                                                        Mwisho