Takriban watu 33 wamefariki na wengine 26 kujeruhiwa baada baadhi ya mabehwa ya treni waliyokuwa wameipanda kushika moto katika eneo la Lualaba, Jamhuri ya Kidemokrasia ya Kongo.

Radio ya umoja wa mataifa nchini DRC imesema takriban watu 33 wamefariki katika ajali ya treni.

Ajali hiyo imetokea katika mji wa Buyofwe Kusini mwa jimbo la Lualaba.

Taarifa kutoka Radio Okapi zinasema treni hiyo ilianguka kisha kuwaka moto.

Gavana wa jimbo la Lualaba Richard Muyej ameiambia BBC kwamba kuna ajali iliyotokea lakini haifahamiki ni watu wangapi waliofariki.