Star Tv

Ofisi ya chama cha mgombea wa Urais nchini Robert Kyagulanyi, maarufu Bobi imevamiwa na makumi ya wanajeshi wenye silaha pamoja na maafisa wa polisi.

Kutokana na uvamizi huo uliofanyanywa na wanajeshi wa nchini humo, nyaraka zimeripotiwa kuchukuliwa kutoka kwenye ofisi  ya mwanasiasa huyo ikiwa ni pamoja na kofia yenye muundo wa kijeshi na magwanda.

Mmoja wa washauri wa Bobi ameliambia shirika la BBC kuwa maafisa hawakuwasilisha kibali walipokua wakiingia kukusanya nyaraka na mavazi.

Msemaji wa polisi nchini Uganda Fred Enanga ameliambia shirika la utangazaji la BBC; “tunafanya operesheni juu ya utumiaji mbaya wa sare za kijeshi”.

Septemba mwaka jana, serikali iliidhinisha kofia nyekundu sawa na anayovaa Bobi Wine na wafuasi wake ni sare ya jeshi-ikimaanisha kuwa yeyote anayeonekana ameimiliki au kuivaa kinyume cha sheria anaweza kushitakiwa.

Bwana Enanga amesema operesheni inaendelea na kwamba maafisa watasaka maeneo mengine pamoja na ofisi za National Unity.

Bobi Wine amesema kuwa nguvu za dola zinamlenga na chama chake wakati akijiandaa kukabiliana na Rais Yoweri Museveni katika uchaguzi ujao wa mwaka 2021, lakini msemaji wa polisi anasisitiza kuwa operesheni hiyo haijachochewa kisiasa.

Latest News

ETHIOPIA YASEMA HAITISHWI NA TAMKO LA RAIS DONALD TRUMP.
24 Oct 2020 16:54 - Grace Melleor

Waziri mkuu wa Ethiopia amesema nchi yake "haitakubali vitisho vya aina yoyote" baada ya Rais Donald Trump kusema kuwa M [ ... ]

RAIS TSHISEKEDI ATANGAZA MASHAURIANO YA UMOJA KWA MUUNGANO TAWALA.
24 Oct 2020 06:41 - Grace Melleor

Rais wa Jamhuri ya Kidemokrasia ya Congo Felix Tshisekedi, katika hotuba yake kwa taifa aliyoitoa siku ya Ijumaa wiki hi [ ... ]

SEKTA YA AFYA NCHINI YAPATA NEEMA KUTOKA USWISI.
23 Oct 2020 15:23 - Grace Melleor

Serikali imepokea msaada wa Faranga za Uswisi Milioni 15.75 sawa na shilingi Bilioni 39.59 kwa ajili ya kugharamia mradi [ ... ]

Other Articles

Social Media

Copyright © 2020 . Star Tv - Tanzania. All Rights Reserved.