Star Tv

Zimbabwe imewazuia wafanyakazi wa umma ambao hawajanjwa kwenda kazini.

Waziri wa habari wa nchi hiyo Monica Mutsvangwa amesema kuwa serikali ilikuwa imewapatia wafanyakazi wake "muda wa kutosha " kupata chanjo za UVIKO-19.

Maafisa wanasema takriban 90% ya watu waliolazwa hospitalini wenye maradhi ya UVIKO-19 ni wale ambao hawakupokea chanjo.

Nchi hiyo ina wastani wa wagonjwa 145 wapya wa corona kila siku na imeripoti vifo saba Jumanne kutokana na ugonjwa huo.

Karibu Wazimbabwe milioni mbili, sawa na takriban 12% ya watu wa nchi hiyo kwa ujumla kwa sasa wamepata dozi kamili ya chanjo ya Corona.

Haifahamiki wazi ni wafanyakazi wangapi wa umma wameathiriwa na uamuzi huo wa baraza la mawaziri, na iwapo wataendelea kupokea mishahara au wataweza kufanya kazi nyumbani.

Serikali ni muajiri mkubwa zaidi, na agizo hilo linaweza kuathiri huduma kama vile za afya na elimu nchini humo, ambapo wengi wa waalimu wa shule za umma bado hawajapata chanjo ya corona.

Baada ya maambukizi ya Covid kupungua mwezi huu, kumbi za mazoezi ya mwili, migahawa na makanisa yaliruhusiwa kufungua milango, lakini wafanyakazi walikuwa bado hawajapata chanjo kamili.

Vyama vya wafanyakazi tayari vimeyapeleka makampuni mahakamani kwa madai ya ubaguzi dhidi ya wafanyakazi ambao hawajapokea chanjo.

#ChanzoBBCSwahili

Latest News

KENYA YAPIGA MARUFUKU FILAMU YA WAPENZI WA JINSIA MOJA.
23 Sep 2021 14:44 - Grace Melleor

Bodi ya Filamu Kenya inasema kuwa filamu kuhusu maisha ya wanandoa wa jinsia nchini Kenya imepigwa marufuku nchini humo. [ ... ]

SHIL. MIL. 700 ZATOLEWA KUKARABATI BARABARA KARAGWE.
23 Sep 2021 13:55 - Grace Melleor

Serikali imetoa Shilingi Milioni 700 kusaidia ukarabati wa barabara za vijijini katika jimbo la Karagwe mkoani Kagera il [ ... ]

BABA AKAMATWA KWA KUCHOMA 'MATITI' YA BINTI YAKE.
22 Sep 2021 13:32 - Grace Melleor

Polisi katika jimbo la Nigeria la Lagos wamemtia nguvuni mwanaume mmoja kwa madai ya kuyaondoa matiti ya binti yake mwen [ ... ]

Other Articles

Social Media

Copyright © 2021 . Star Tv - Tanzania. All Rights Reserved.