Star Tv

Jeshi la Polisi Nchini limefanikiwa kuwakamata watuhumiwa 504 wa matukio mbalimbali ya uhalifu akiwemo Mganga wa kienyeji Itawa Mwanamiwa na mwenzake Tabu Mwanduru ambao waliwaaminisha watu kuua Wanawake 50 na kuwabaka ili kupata utajiri hali iliyopelekea Wanawake 29 kuuwawa na kubakwa katika maeneo ya Wilaya za Kwimba,Misungwi na Mkoa wa Shinyanga.

Taarifa na Salma Mrisho

Operesheni iliyofanywa na Polisi kuanzia tarehe 03.02.2020 na hadi kufikia february 14 ambayo imekamata watu wanaotekeleza vitendo vya mauaji,wakata mapanga,kufanya uganga bila kibali,unyang'anyi wa kutumia silaha na kadhalika.

Akizungumza na Waandishi wa Habari Mkuu wa Operesheni Maalum Za Jeshi la Polisi Mihayo Mskela amesema tukio la Mganga Itawa baada ya kukamatwa na kuhojiwa imebainika kuhusika na mauaji hayo na kuwataja washirika wao 17 ambao ni wakata mapanga na wanaendelea kuhojiwa.

Mkoani Tabora amekamatwa Buhimila Mapembe kwa tuhuma za kutumia fimbo maalum kuwaaminisha wateja wake ambao ni wakata mapanga kuwakinga na nguvu ya sheria na kutokana na imani hiyo imepelekea askari polisi wawili wa kituo cha polisi Ngaruka Mkoa wa Kigoma na askari mmoja wa suma jkt na askari mgambo wa mkoa wa tabora kuuwawa na kuchukuliwa sehemu zo a siri kwa ajili ya dawa.

Ameendelea kusema kuwa kikosi maalum cha anti Homicide kinachoendelea kufanya operesheni ya wakata mapanga Mkoani Geita kimefanikiwa kukamata wauaji halisi wanne na operesheni hii imefanikiwa kupatikana kwa watuhumiwa wa wizi wa Mifugo ambapo jumla ya Ng’ombe 105 wamepatikana.

Operesheni hiyo imefanyika katika mikoa ya Geita,Kagera,Mwanza,Shinyanga,Simiyu na Tabora.

                                                                      Mwisho.

Latest News

OMBI ZITO KWA RAIS WA BURUNDI KUTOKA MUUNGANO WA WANAHABARI.
13 Aug 2020 14:45 - Grace Melleor

Muungano wa wanahabari nchini Burundi, umetoa wito kwa rais Évariste Ndayishimiye kuwasamehe wanahabari wanne wa Gazeti [ ... ]

“HAKUNA TISHIO LA TSUNAMI TANZANIA”-WANAJIOLOJIA WA MAREKANI.
13 Aug 2020 13:49 - Grace Melleor

Tetemeko la ardhi lenye ukubwa wa kipimo cha 5.9 Jumatano usiku limetikisa baadhi ya maeneo ya Tanzania hususani ukanda  [ ... ]

“TAKUKURU HAKIKISHENI WATANZANIA HAWARUBUNIWI”-Waziri Mkuu Majaliwa.
12 Aug 2020 15:11 - Grace Melleor

Waziri Mkuu Kassim Majaliwa ameiagiza Taasisi ya Kuzuia na Kupambana na Rushwa (TAKUKURU) ihakikishe Watanzania hawarubu [ ... ]

Other Articles

Social Media

Copyright © 2020 . Star Tv - Tanzania. All Rights Reserved.