Star Tv

Waziri wa ulinzi wa Ufaransa amesitisha mazungumzo na mwenzake wa Uingereza huku pakiwa na mzozo uliochochewa na makubaliano mapya ya usalama kati ya Uingereza, Marekani na Australia.

Paris imekasirika baada ya Australia kutia saini makubaliano ya Aukus ya kujenga nyambizi zinazotumiaa nyuklia, ikiondoa mkataba mkubwa na Ufaransa katika mchakato huo.

Waziri Mkuu wa Uingereza Boris Johnson alisema Ufaransa haikuwa na wasiwasi wowote juu ya mpango huo.

Lakini mkutano wa Florence Parly na Katibu wa Ulinzi wa Uingereza Ben Wallace huko London wiki hii umefutwa.

Lord Ricketts, balozi wa zamani wa Uingereza nchini Ufaransa ambaye alifaa kuwa mwenyekiti mwenza wa siku mbili za mazungumzo, alithibitisha mkutano huo "umeahirishwa hadi tarehe nyingine".

Makubaliano ya Aukus yaliyoafikiwa wiki iliyopita, yanayoonekana kama juhudi ya kukabiliana na ushawishi wa China katika Bahari ya Kusini mwa China inayoshindaniwa, yalimaliza makubaliano yenye thamani ya $ 37bn (£ 27bn) yaliyosainiwa na Australia mnamo 2016 kwa Ufaransa kujenga manowari 12 za kawaida.

Waziri wa mambo ya nje wa Ufaransa Jean-Yves Le Drian ameielezea kama "kuchomwa kisu mgongoni" jambo ambalo alitaja kuwa "tabia isiyokubalika kati ya marafiki na washirika".

Latest News

UFARANSA YAZINDUA MAGARI YA UMEME HAPA NCHINI.
20 Oct 2021 15:31 - Grace Melleor

Waziri wa Biashara na uchumi nchini Ufaransa Franck Riester amezindua magari ya umeme yaliyoundwa na kampuni ya E-Motion [ ... ]

UHITAJI WA NYAMA WAONGEZEKA NCHINI.
20 Oct 2021 15:23 - Grace Melleor

Serikali imesema malalamiko yaliyojitokeza hivi karibuni ya kupanda kwa bei ya nyama nchini yanaashiria ukuaji wa sekta  [ ... ]

UGANDA YAZINDUA GARI LA KIVITA LILILOUNDWA NCHINI HUMO.
19 Oct 2021 18:03 - Grace Melleor

Jeshi la Uganda limezindua gari la kivita lililoundwa nchini humo.

Other Articles

Social Media

Copyright © 2021 . Star Tv - Tanzania. All Rights Reserved.