Star Tv

Kulingana na matokeo rasmi ya awali yaliyotangazwa usiku wa Jumapili kuamkia leo Jumatatu na Tume huru ya taifa ya uchaguzi, Faure Essozimna Gnassingbé amechaguliwa tena kwenye muhula wa nne kama rais wa Togo.

Bwana Faure ambaye alikuwa mgombea kupitia chama cha UNIR, ametangazwa kuwa rais wa Jamhuri ya Togo na hii ni kulingana na Tume ya Uchaguzi nchini humo CENI kutangaza matokeo,  ambapo Faure amechaguliwa tena katika duru ya kwanza ya uchaguzi wa urais kwa asilimia 72.36 ya kura.

Upande wa upinzani, Waziri Mkuu wa zamani na mpinzani mkuu wa Bw Gnassingbé, Agbéyomé Kodjo amepata asilimia 18.37 ya kura.

Huku kiongozi wa ANC, Jean-Pierre Fabre ameshika nafasi ya tatu kwa asilimia 4.35.

Ni mara ya kwanza Tume huru ya kitaifa ya uchaguzi kutangaza haraka matokeo ya uchaguzi wa urais nchini humo licha ya kwamba  matokeo hayo yatapelekwa kwenye Mahakama ya Katiba, ambayo ina siku sita ya kuchunguza na kutangaza matokeo ya mwisho.

Kupitia  akaunti yake ya Twitter, Faure amewashukuru vijana wa Togo ambao amewataka kusherehekea ushindi huo walioupata kupitia chama chale cha UNIR. 

Aidha, matokeo hayo yaliyompa ushindi Faure tayari yamepingwa huku mashirika ya kiraia yamegundua visanduku vya kura ambavyo vilijazwa kura kabla ya uchaguzi na kubaini kwamba matokeo ya uchaguzi yamebadilishwa.

Tangu Jumamosi jioni, na hata kabla ya kutangazwa kwa matokeo na tume ya uchaguzi ya nchini Togo CENI, Agbéyomé Kodjo ameshutumu kuwepo kwa "udanganyifu mkubwa" katika uchaguzi huo.

Kodjo alifanya mkutano na waandishi wa habari jijini Lomé, akithibitisha kwamba kulingana na takwimu alizo nazo, bila shaka yeye ndio mshindi wa uchaguzi na kumtaka Faure  kukubali kushindwa.

                                         Mwisho.

Latest News

WAKILI AKIITA KIFO CHA GEORGE FLOYD MAUAJI YALIYOPANGWA.
01 Jun 2020 06:32 - Grace Melleor


Video kutoka katika vituo viwili vya televisheni vya Philadelphia Jumapili zilionesha vijana wakivunja magari kadhaa ya  [ ... ]

MAANDAMANO YAENDELEA KUTANDA MAREKANI KUFUATIA KIFO CHA FLOYD.
30 May 2020 10:22 - Grace Melleor

Waandamanaji nchini Marekani wamendelea kutanda nchini humo na kukabiliana na polisi katika miji mbalimbali kufuatia mau [ ... ]

RAIS MAGUFULI AKABIDHI TAUSI 25 KWA MAMA MARIA NYERERE NA MARAIS WASTAAFU.
30 May 2020 09:49 - Grace Melleor

Rais Magufuli leo May 30,2020 Mkoani Dodoma amewakabidhi Marais Wastaafu wa Tanzania kila mmoja Tausi 25 wanaopatikana I [ ... ]

Other Articles

Social Media

Copyright © 2020 . Star Tv - Tanzania. All Rights Reserved.