Watu walionusurika maafa yaliyosababishwa na kimbunga Idai kilichokumba eneo la Kusini mwa Afrika wameanza kupatiwa misaada ya haraka ya dawa, chakula na mahema.

Kwa mujibu wa taarifa mafuriko yameanza kupungua. Maalfu ya watu waliokuwa wamekwama wiki iliyopita sasa wanapelekwa kwenye sehemu zenye usalama zaidi. Hata hivyo Shirika la Msalaba Mwekundu limetahadharisha juu ya hatari ya kuzuka maradhi ya kuambukiza. Kimbunga Idai kiliukumba mwambao wa Msumbiji na sehemu za Mashariki mwa Zimbabwe na kusabaisha vifo vya watu 700 katika nchi hizo mbili. Na nchini Malawi watu wapatao 56 walikufa kutokana na kimbunga hicho.

Chanzo: Idhaa ya Kiswahili DW