Star Tv

Waziri Mkuu wa Libya Fayez el-Sarraj ametangaza kuachia wadhfa wake wa uwaziri mkuu mwishoni mwa mwezi Oktoba 2020.

Katika hotuba yake kwenye televisheni, Waziri Mkuu wa Libya Fayez el-Sarraj ametangaza kwamba ataachia ngazi ifikapo mwishoni mwa mwezi Oktoba mwaka huu.

Kiongozi huyo wa Libya, ambaye yuko madarakani tangu mwezi Machi 2016, anaongoza Serikali ya umoja wa kitaifa, halali na inayotambuliwa na jamii ya kimataifa lakini inapingwa na mbabe wa kivita Mashariki mwa Libya Marshal Khalifa Haftar na vikosi anavyoongoza.

Hivi karibuni serikali ya Tobruk iliamua kujiuzulu, baada ya kuwasilisha barua yake ya kujiuzulu kwa bunge la nchi hiyo, baada ya siku nne za maandamano ya watu wenye hasira kutokana na uhaba wa bidhaa mahitajio na kuzorota kwa huduma za umma.

Hatua ya kujiuzulu kwa serikali ya mpito inayoongozwa na Abdallah al-Thani ilitangazwa kufuatia mwito wa dharura uliyotolewa kwa serikali na Aguila Saleh , spika wa Bunge lenye makao yake huko Tobruk.

Kujiuzulu huko kunakuja baada ya maandamano ya siku nne mashariki mwa Libya dhidi ya hali duni ya maisha ya kiuchumi na kijamii.

Aidha, Maandamano haya yalianza huko Tripoli na magharibi mwa nchi mwezi uliopita.

Chanzo: rfi Swahili.

Latest News

ETHIOPIA YASEMA HAITISHWI NA TAMKO LA RAIS DONALD TRUMP.
24 Oct 2020 16:54 - Grace Melleor

Waziri mkuu wa Ethiopia amesema nchi yake "haitakubali vitisho vya aina yoyote" baada ya Rais Donald Trump kusema kuwa M [ ... ]

RAIS TSHISEKEDI ATANGAZA MASHAURIANO YA UMOJA KWA MUUNGANO TAWALA.
24 Oct 2020 06:41 - Grace Melleor

Rais wa Jamhuri ya Kidemokrasia ya Congo Felix Tshisekedi, katika hotuba yake kwa taifa aliyoitoa siku ya Ijumaa wiki hi [ ... ]

SEKTA YA AFYA NCHINI YAPATA NEEMA KUTOKA USWISI.
23 Oct 2020 15:23 - Grace Melleor

Serikali imepokea msaada wa Faranga za Uswisi Milioni 15.75 sawa na shilingi Bilioni 39.59 kwa ajili ya kugharamia mradi [ ... ]

Other Articles

Social Media

Copyright © 2020 . Star Tv - Tanzania. All Rights Reserved.