Star Tv

Waziri Mkuu Kassim Majaliwa amesema Serikali imedhamiria kuendeleza zao la zabibu ili kuhakikisha linaleta tija kwa wakulima.

Waziri Mkuu amebainisha hayo wakati alipotembelea Kituo cha Utafiti wa Kilimo Tanzania katika eneo la uzalishaji miche ya zabibu, mashamba na viwanda vya zabibu, Dodoma.

“Serikali imeanzisha kampeni ya kuhamasisha kilimo cha zao la zabibu, tunataka kumsaidia mkulima kuanzia maandalizi ya shamba, upatikanaji wa pembejeo hadi hatua ya mauzo.”

Waziri Majaliwa ametembelea kituo hicho cha utafiti kuona uwezo wake wa kuzalisha mbegu, pia ametembelea mashamba ya wakulima katika eneo la Msalato na Hombolo ili kuhamasisha kilimo hicho.

Pia, Waziri Mkuu ametembelea kiwanda vya kuchakata zabibu kikiwemo kiwanda kidogo cha mkulima mdogo wa zabibu Bw. Phortunatus Kenyunko kilichopo eneo la Msalato, jijini Dodoma.

Mbali na kutembelea kiwanda hicho kidogo, pia Waziri Mkuu ametembelea kiwanda kikubwa cha kutengeneza mvinyo wa zabibu cha Cetawico kiilichopo Homboro, jijini Dodoma.

Waziri Mkuu ametumia fursa hiyo kuwahakikishia wakulima wa zabibu kwamba Serikali imedhamiria kuboresha kilimo cha zao hilo kwa sababu kilimo ni mkombozi kwa Watanzania.

Amesema kampeni hiyo itanzia mkoa wa Dodoma kwa kuwa imegundua kwamba zabibu ni fursa ya kiuchumi nchini na ardhi yote ya wilaya za mkoa wa Dodoma inakubali kilimo hicho.

Katika kuhakikisha kilimo hicho kinapata mafanikio, Waziri Mkuu amezitaka taasisi za kifedha ikiwemo Benki ya Maendeleo ya Kilimo Tanzania (TADB) ibadilike na kutoa mikopo kwa wakati.

Latest News

“MAISHA HAYAJI MARA MBILI, TUSIPOTOSHE KUHUSU CHANJO”-IGP. Simon Sirro.
29 Jul 2021 11:30 - Grace Melleor

Mkuu wa Jeshi la Polisi Nchini IGP. Simon Sirro, amewataka Wananchi na Watanzania kwa ujumla wasidanganywe na watu wacha [ ... ]

“MIMI NI MAMA, BIBI, MKE NA RAIS, SIWEZI KUJIWEKA KATIKA HATARI”-Rais Samia....
28 Jul 2021 10:26 - Grace Melleor

Rais wa Tanzania Samia Suluhu Hassan amepokea chanjo dhidi ya Ugonjwa wa COVID-19, Ambayo ameizindua leo Julai 28, Katik [ ... ]

MSICHANA AUAWA KWA KUVAA JEANS.
28 Jul 2021 09:51 - Grace Melleor

Msichana mmoja aliyejulikana kwa jina la Neha Paswan, mwenye umri wa miaka 17, anadaiwa kupigwa hadi kufa na watu wa fam [ ... ]

Other Articles

Social Media

Copyright © 2021 . Star Tv - Tanzania. All Rights Reserved.