Chuo cha Marekani kimethibitisha watu walioambukizwa virusi vya corona kufikia zaidi ya Milioni moja, ambapo idadi hiyo ni sawa na karibu  ya theluthi moja ya idadi yote duniani.

Rais wa Brazil Jair Bolsonaro anaweza kukabiliwa na mashtaka kufuatia kuanzishwa kwa uchunguzi baada ya mahakama ya juu nchini humo kuagiza uchunguzi kuhusu madai ya "kuingilia" katika kesi za mahakama, madai yalitolewa na waziri wake wa zamani wa Sheria.

Aliyekuwa Waziri Mkuu wa Cote d'Ivoire na kiongozi wa zamani wa waasi Guillaume Soro amehukumiwa kifungo cha miaka 20 jela baada ya kupatikana na kosa la wizi pamoja na utakatishaji wa fedha.

Maafisa wa afya wa jiji la Wuhan lililokuwa kitovu cha mlipuko wa janga la virusi vya corona wametangaza kutokuwa na mgonjwa yoyote aliyelazwa hospitalini kutokana na maradhi yanayosambazwa na virusi hivyo.