Kampuni ya mtandao wa kijamii ya Facebook imeondoa mtandaoni matangazo ya kampeni ya rais Donald Trump kwa kile kinachoelezwa kuwa ametumia alama zilizokuwa za utawala wa kinazi wa Ujerumani.

Baraza la mji wa Minneapolis laahidi kuvunja idara ya polisi kufuatia kifo cha George Floyd, Ambapo idadi kubwa ya maafisa wa baraza la mji huo wameiona hatua hiyo kama ni ya muhimu huku kukiwa na maandamano ya kitaifa yanayoendelea kutokana na kifo cha Mmarekani huyo mweusi kilichotokea mwezi uliopita.

Jeshi la Korea Kaskazini limesema kwamba liko tayari kuingia katika eneo lisiloruhusiwa shughuli za kijeshi linalogawanya nchi hiyo na Korea Kusini ambapo Korea Kaskazini imetishia kutuma jeshi eneo salama la mpakani.

Waziri wa Jeshi wa Ufaransa Florence Parly ametangaza kifo cha kiongozi wa al-Qaeda katika ukanda wa Maghreb (Aqmi) Abdelmalek Droukdel aliyekuwa nchini Mali na "wasaidizi wake kadhaa", wakati wa operesheni ya kijeshi iliyofanyika Juni 3 nchini Mali.