Star Tv

Watu kadhaa wamepoteza Maisha katika machafuko yaliyoibuka wakati wa kura ya maoni ya Katiba na uchaguzi wa wabunge yaliyofanyika Jumapili Machi 22,2020 huku wengine wakijeruhiwa nchini Guinea.

Kwa upande wa vyama vya upinzani wanaelezwa kususia zoezi hilo ambalo pia lilipingwa na Jumuiya ya kimataifa kwa kudhania kuwa uchaguzi huo unakusudia kuzuia muhula wa tatu wa rais Alpha Condé  kutaka kuwania tena uongozi wa nchi hiyo.

Hata hivyo wizara ya usalama imebaini kwamba watu wanne ndio waliuawa kwa siku ya jana ikiwa ni pamoja na wawili katika ghasia, mmoja kufuatia ajali na mwengine kufuatia mshtuko wa moyo, bila maelezo zaidi.

Taarifa hiyo ya wizara ya usalama imeongeza kuwa maafisa 9 kutoka kitengo maalum cha usalama wa uchaguzi, pamoja na maafisa 7 wa polisi, walijeruhiwa vibaya, wakati vuguvugu linalodai kulinda katiba ya nchi (FNDC) limetangaza kwamba wafuasi wake kadhaa wamejeruhiwa kwa risasi.

Kwa mujibu wa Wizara ya Usalama nchini humo imesema kuwa waandamanaji walishambulia vituo vya kupigia kura, wakiharibu vifaa vya kupigia kura pamoja na kuchoma vifaa vya uchaguzi katika miji kadhaa nchini humo na katika maeneo ya mji wa Conakry yenye wafuasi wengi wa upinzani, kwa mlujibu wa Wizara ya Usalama.

Watu kadhaa tayari wamekamatwa kwa makosa ya kuhusika katika machafuko na kuatarisha usalama wa raia, kumiliki na kutumia silaha za moto kinyume cha sheria, uharibifu wa mali ya umma, kuchoma moto vifaa vya uchaguzi, kupiga na kufanya uasi dhidi ya serikali, wizara ya usalama imeongeza.

                                  Mwisho.

Latest News

RAIS WA CHAD, IDRISS DEBY ATIMIZA MIAKA 30 MADARAKANI.
01 Dec 2020 14:48 - Grace Melleor

Desemba 1, 1990, Idriss Déby alichukua hatamu ya uongozi wa nchi ya Chad kufuatia mapinduzi ya kijeshi yaliyomuondoa, H [ ... ]

“HATUONDOKI CHADEMA, TUNAKATA RUFAA”- Halima Mdee.
01 Dec 2020 13:01 - Grace Melleor

Wabunge 19 wa viti maalum waliovuliwa uanachama wa chama cha upinzani Chadema, wamesema wataendelea kuwa 'wanachama wa h [ ... ]

MTANZANIA ALIYETEKELEZA SHAMBULIZI CHUO CHA GARISSA AJINYONGA GEREZANI.
30 Nov 2020 10:05 - Grace Melleor

Mtanzania Rashid Charles Mberesero aliyehukumiwa kifungo cha maisha mwaka 2019 baada ya kupatikana na hatia ya kushiriki [ ... ]

Other Articles

Social Media

Copyright © 2020 . Star Tv - Tanzania. All Rights Reserved.