Star Tv


Wafuasi wa Mhubiri wa Nigeria Temitope Balogun Joshua, maarufu kama TB Joshua wamekusanyinka katika makao makuu ya kanisa la Synagogue Church of All Nations (SCOAN) mjini Lagos kuomboleza kifo chake.

Kifo cha TB Joshua kilichotokea Jumapili Alfajiri kimeiibua maswali mengi huku baadhi ya watu wakitaka kujua kifo cha Nabii huyo kimesababishwa na nini.

Kanisa la SCOAN mpaka sasa halijathibitisha wala kusema chanzo cha kifo cha ghafla cha mhubiri huyo kimesababishwa na nini hasa.

Waumini wanaoishi karibu na kanisa hilo walikusanyika katika ukumbi wa kanisa baada ya kupokea taarifa za kifo ili kumuomboleza.

"Alikuwa mtu wa Mungu...sijawahi kuona mhubiri mkarimu anayewasaidia watu hata kama sio wafuasi wa kanisa lake," - Saidat ambaye ni muumini wa dini ya Kiislamu aliiambia BBC.

Nkiru, mmoja wa waombolezaji alisema "Nitamkosa sana.....sijui hili kanisa litaendele vipi baada ya kifo chake."

Mke wake Evelyn Joshua ambaye ni mmoja wa wahubiri wakuu wa kanisa la SCOAN alielezea kugutushwa na kifo cha ghafla cha muwe wake.

"Kumpoteza mwenza sio jambo rahisi; iwe ghafla au laaah, inavunja moyo, Majonzi huharibu ustawi wetu kwa ujumla. Lakini cha msingi ni kumtumainia Mungu”.-Alisema mke wa TB Joshua.

Aidha taarifa iliyotolewa na kanisa lake la SCOAN siku ya Jumapili alfajiri ilithibitisha TB Joshua amefariki akiwa na umri wa miaka 57.
#Chanzo:BBCSwahili

Latest News

“MAISHA HAYAJI MARA MBILI, TUSIPOTOSHE KUHUSU CHANJO”-IGP. Simon Sirro.
29 Jul 2021 11:30 - Grace Melleor

Mkuu wa Jeshi la Polisi Nchini IGP. Simon Sirro, amewataka Wananchi na Watanzania kwa ujumla wasidanganywe na watu wacha [ ... ]

“MIMI NI MAMA, BIBI, MKE NA RAIS, SIWEZI KUJIWEKA KATIKA HATARI”-Rais Samia....
28 Jul 2021 10:26 - Grace Melleor

Rais wa Tanzania Samia Suluhu Hassan amepokea chanjo dhidi ya Ugonjwa wa COVID-19, Ambayo ameizindua leo Julai 28, Katik [ ... ]

MSICHANA AUAWA KWA KUVAA JEANS.
28 Jul 2021 09:51 - Grace Melleor

Msichana mmoja aliyejulikana kwa jina la Neha Paswan, mwenye umri wa miaka 17, anadaiwa kupigwa hadi kufa na watu wa fam [ ... ]

Other Articles

Social Media

Copyright © 2021 . Star Tv - Tanzania. All Rights Reserved.