Star Tv

Wanamgambo wa kundi la Kiislamu la Boko Haram wametoa video mpya ambayo inasema wapiganaji wake wa Boko Haram ndio waliotekeleza mauaji ya wakulima 78 katika eneo la Zabarmari karibu na Maiduguri kaskazini mashariki mwa Nigeria.

Jumamosi, wanaume waliokuwa na silaha waliotumia pikipiki na kutekeleza shambulizi la kinyama dhidi ya wakulima wa mashamba ya mpunga.

Wakati huohuo, wabunge wa Nigeria wamefanya mazungumzo na rais Muhammadu Buhari juu ya mauaji hayo na Wabunge hao wamesema suala hilo ni la kupewa umuhimu mkubwa.

Katika video iliyoonekana na BBC, Abubakar Shekau, kiongozi wa kundi la Boko Haram–aliyefunika uso wake, alisema kundi hilo lilitekeleza shambulizi dhidi ya wakulima wa mashamba ya mpunga wikendi iliyopita.

Hilo linawadia wakati raia wa Nigeria wanaendelea kughadhabishwa na mauaji hayo wanayoyaelezea kama mabaya zaidi kutokea katika miezi ya hivi karibuni.

Aidha, Umoja wa Mataifa umefuta idadi ya waliojeruhiwa ya watu 110 iliyokuwa imetoa awali, na kusema kuwa idadi kamili ya walioathirika bado haijulikani.

Jeshi limekosolewa pakubwa kufuatia mauaji hayo lakini limelaumu ukosefu wa vifaa stahiki kuweza kukabiliana na kundi hilo. Pia limeshutumu wakaazi kwa kushirikiana na wanamgambo hao katika kuwapa taarifa.

 

Latest News

“TUTAJIRIDHISHA KABLA YA KUKUBALI CHANJO YA CORONA”- Rais Samia.
14 May 2021 18:24 - Grace Melleor

Rais wa Jamhuri ya Muungano wa Tanzania Samia Suluhu Hassan amesema kabla ya kupokea chanjo ya virusi vya Corona ni lazi [ ... ]

SOMALIA YATANGAZA KUREJESHA UHUSIANO NA KENYA.
06 May 2021 17:57 - Grace Melleor

Somalia imetangaza kuwa inarejesha mahusiano ya kidiplomasia na nchi jirani ya Kenya baada ya kusitisha mahusiano hayo m [ ... ]

KENYA NA TANZANIA KUONDOA VIKWAZO VYA BIASHARA.
05 May 2021 15:39 - Grace Melleor


Rais Samia Suluhu Hassan amesema Tanzania iko tayari kuwapokea wawekezaji kutoka Kenya pamoja na kuondoa vikwazo visivy  [ ... ]

Other Articles

Social Media

Copyright © 2021 . Star Tv - Tanzania. All Rights Reserved.