Star Tv

Tume ya Mawasiliano ya Uganda ilitangaza wiki iliyopita ikieleza kuwa kuanzia sasa mtu yeyote anayechapisha maudhui mtandaoni atalazimika kujiandikisha kabla ya Oktoba 5,2020.

Kwa kutetea azimio hilo jipya, Tume ya Mawasiliano ya Uganda imetaja kifungu cha mamlaka ya Sheria ya Mawasiliano ya Uganda (Uganda Communication Act), ambayo inapiga marufuku uchapishaji wa maudhui bila kibali, Sheria ambayo itatumika kwa machapisho ya maudhui mtandaoni na kwenye mitandao ya kijamii.

Kwa upande wa Roland Ebole, mmoja wa watafiti wa Shirika lisilo la kiserikali la Amnesty International amesema hiki ni kizuizi kingine kikubwa kuhusu uhuru wa kujieleza nchinihumo.

Kulingana na Roland Ebole ameeleza kuwa Waganda wote watalazimika kufuata kanuni hiiyo mpya, hatua hiyo inatia wasiwasi zaidi ikiwa imesalia miezi michache tu kabla ya uchaguzi wa urais uliopangwa kufanyika mwanzoni mwa mwaka ujao.

Mtafiti wa Amnesty ameendelea kubainisha kuwa huenda tume hiyo imelenga kuwadhibiti wapinzani nchini humo; "Mikusanyiko yote ya kisiasa wakati wa kampeni ni marufuku, kwa hivyo wakati kuna vizuizi kuhusu njia za mawasiliano na habari, wakati ambapo serikali inakataza mikusanyiko ya umma, tunaweza fikiria kuwa lengo la mchakato huu ni kuzuia upinzani. "

Itakumbukwa kwamba mwanzoni mwa mwaka huu, mwezi Juni, tume ya uchaguzi ilitoa maagizo mapya, ambayo ni kama muongozo uliorekebishwa kwa uchaguzi wa mwaka 2021, na ambao unataka mchakato mzima wa uchaguzi ufanyike mtandaoni.

Chanzo: rfi Swahili.

Latest News

WANASHERIA WA BOBI WINE WARUHUSIWA KUMUONA MTEJA WAO.
22 Jan 2021 08:40 - Grace Melleor

Jeshi la UPDF na polisi nchini Uganda wamewaruhusu wanasheria wa waliokuwa wa mgombea wa kiti cha urais Robert Kyagulany [ ... ]

UINGEREZA YAPIGA MARUFUKU ABIRIA KUTOKA TANZANIA, DRC.
22 Jan 2021 08:18 - Grace Melleor

Abiria wote kutoka Tanzania na Jamuhuri ya Kidemokrasia ya Congo hawataruhusiwa kuingia nchini Uingereza na katika matai [ ... ]

KIJANA WA MIAKA 20 AMTEKA NYARA BABA YAKE NA KUDAI ALIPWE FIDIA.
21 Jan 2021 16:09 - Grace Melleor

Polisi wamemkamata mwanamume mmoja aliyejulikana kwa jina la Abubakar Amodu mwenye umri wa miaka 20, ambaye alipanga nja [ ... ]

Other Articles

Social Media

Copyright © 2021 . Star Tv - Tanzania. All Rights Reserved.