Star Tv

Mahakama ya Rufaa ya Tanzania imetupilia mbali uamuzi wa Mahakama Kuu kanda ya Dar es salaam.

Mahakama hiyo iliyokuwa imempa ushindi Dickson Sanga dhidi ya Mwanasheria Mkuu wa Serikali juu ya kufuta baadhi ya vifungu vya sheria ikiwemo kifungu cha 148 (5) cha sheria ya mwenendo wa makosa ya jinai ya mwaka 1985 vinavyokinzana na katiba ili kesi zote zikiwemo za utakatishaji fedha na uhujumu uchumi zipate dhamana.

Awali Dickson Sanga, alifungua shauri la madai Mahakama Kuu namba 08 la mwaka 2019 ambapo Mahakama Kuu ya Tanzania Masjala ya Dar es salaam ilimpatia ushindi Mei 18 mwaka huu na kutangaza kuwa kifungu cha 148 (5) cha sheria ya mwenendo wa makosa ya jinai ya mwaka 1985 kinakinzana na ibara ya 13(3), 15(1) na 2(a) ya katiba ya Jamhuri ya Muungano wa Tanzania.

Katika shauri hilo Mahakama Kuu iliiagiza Serikali ya Jamhuri ya Muungano wa Tanzania kurekebisha kifungu hicho ndani ya miezi 18 kutoka siku ya kutolewa kwa hukumu huku ikiionya Jamhuri kuwa kushindwa kufanya hivyo kutasababisha kufutwa kwa kifungu hicho.

Kwa uamuzi uliotolewa na Mahakama Kuu uliompa ushindi Dickson Sanga, uliagiza mabadiliko ya sheria ili kesi zote zinazofikishwa kwenye vyombo vya sheria ziwe na dhamana ikiwemo makosa ya utakatishaji fedha na uhujumu uchumi.

Aidha, kutokana na hukumu hiyo ya Mahakama Kuu, Mwanasheria Mkuu wa Serikali alikata rufaa namba 175 ya mwaka 2020 Mahakama ya Rufaa ya Tanzania ya kupinga hukumu hiyo ambapo rufaa hiyo ilisikilizwa Julai 06 mwaka huu mbele ya Majaji wa Rufaa watano akiwemo Mugasha, Mkuye, Ndika, Mwambegele na Kitusi ambapo hatimaye mahakama hiyo ya rufaa imebatilisha uamuzi huo wa mahakama kuu hii leo Agosti 05.

Latest News

MIILI YA WATOTO 10 WALIOFARIKI KWA AJALI YA MOTO KYERWA YAAGWA LEO.
18 Sep 2020 10:38 - Grace Melleor

Katibu Mkuu wa Chama Cha Mapinduzi Dkt.Bashiru Ally ameongoza mamia ya waombolezaji kuaga miili 10 ya wanafunzi waliofar [ ... ]

“MSAIDIZI WA BENARD MEMBE HAJATEKWA, ANASHIKILIWA NA POLISI” –-KAMAMDA MAMBOSASA...
17 Sep 2020 12:58 - Grace Melleor

Kamanda wa Polisi Kanda Maalum Dar es salaam, SACP Lazaro Mambosasa amesema Jerome Luanda ambaye ni msaidizi wa Bernard  [ ... ]

WAZIRI MKUU WA LIBYA KUACHIA NGAZI MWISHONI MWA OKTOBA MWAKA HUU.
17 Sep 2020 12:30 - Grace Melleor

Waziri Mkuu wa Libya Fayez el-Sarraj ametangaza kuachia wadhfa wake wa uwaziri mkuu mwishoni mwa mwezi Oktoba 2020.

Other Articles

Social Media

Copyright © 2020 . Star Tv - Tanzania. All Rights Reserved.