Star Tv

Takriban Wanyarwanda 100 ambao walikimbilia kisiwa kilichopo Ziwa Kivu katika nchi jirani ya Jamhuri ya Kidemokrasia ya Kongo ili kuepuka kupata chanjo za Covid wamerudishwa nchini kwao.

Hata hIvyo watu wawili wanadaiwa kutoonekana katika kundi hilo la Wanyarwanda 101 huku operesheni ya kuwasaka inaendelea.

Afisa wa Kisiwa cha Idjwi, Roger Ntambuka, aliiambia BBC kwamba mamlaka iliweza kufanya mazungumzo na Wanyarwanda hao ili kuwarejea nyumbani kwao.

"Hakukuwa na sababu ya Wanyarwanda hawa kubaki hapa. Tuliweza kuwashawishi,"-Amesema.

Amesema raia hao wa Rwanda, ambao ni wanawake, wanaume na watoto, waliondoka kuelekea nyumbani kwa boti.

Gavana wa jimbo la magharibi mwa Rwanda amesema hakuwa na habari kuhusu Wanyarwanda waliokimbia na haijabainika kama mamlaka ilihusika katika kuwarejesha nchini kwao.

Wiki iliyopita mamlaka ya Burundi iliwafukuza zaidi ya Wanyarwanda 10 waliokuwa wameingia nchini humo kukwepa chanjo ya lazima ya corona na kuwarudisha nyumbani.

Raia wa Rwanda lazima wapewe chanjo ili kuruhusiwa kutumia usafiri wa umma, kwenda kwenye maeneo ya starehe (bar) na migahawa au kuhudhuria hafla za umma.

#ChanzoBBC

Latest News

AMPELEKA MKWE MAHAKAMANI KWA KUMZUIA KUOLEWA.
17 May 2022 06:34 - Grace Melleor

Binti aliyefahamika kwa jila la Halima Yunusa Ibrahim amempeleka babamkwe wake latika Mahakama ya Kiislamu Islamic (Shar [ ... ]

WANAJESHI WA UKRAINE WALIOZINGIRWA WALIOKOLEWA.
17 May 2022 05:50 - Grace Melleor

Ukraine imethibitisha kwamba mamia ya wapiganaji wake waliokuwa wamekwama kwa zaidi ya miezi miwili katika mji wa Maurip [ ... ]

JESHI LA NATO KUANZA KUFANYA MAZOEZI KUKABILI VITA.
16 May 2022 09:23 - Grace Melleor

Mazoezi makubwa zaidi katika historia ya Baltics ya Muungano wa kijeshi wa NATO yanatarajiwa kuanza baadaye hii leo.

Other Articles

Social Media

Copyright © 2022 . Star Tv - Tanzania. All Rights Reserved.