Star Tv

Katibu Mkuu wa Chama cha Demokrasia na Maendeleo Chadema John Mnyika amesema kamati kuu ya chama hicho itakaa Julai 22 mwaka huu ili kujadili ni maelekezo gani kama chama wanapaswa kutoa kwa wanachama ya kumtafuta mwenyekiti wao, Freeman Mbowe, ambaye hajulikani alipo mpaka sasa.

Akizungumza na wanahabari Mnyika amesema kama chama hawafamu mwenyekiti wao Freeman Mbowe alipo na kuwaomba wananchi wasaidie kumtafuta

Mnyika amewaomba viongozi na wanachama wa Chadema nchi nzima wapaze sauti zao kumtafuta Mbowe.

“Ikiwa mpaka kufikia kesho Mwenyekiti wetu hatapatikana tutakwenda makamani”- Katibu Mkuu wa CHADEMA John mnyika.

Mbowe na wenzake 11, wamekamatwa ikiwa ni saa chache zilikuwa zimebaki kabla ya kufanyika kwa kingamano la kudai Katiba mpya, mkoani humo.

Kongamano la Kudai Katiba Mpya lililokuwa limepangwa na Chama Cha Demokrasia na Maendeleo CHADEMA kufanyika Jijini Mwanza limeshindikana mara baada ya viongozi Wakuu wa chama hicho akiwemo Mwenyekiti wa Taifa Freeman Mbowe kudaiwa kukamatwa usiku wa Manane wakiwa wamelala kwenye Hoteli Walizofikia.

Kongamano hilo lilipangwa kufanyika Jumatano hii Julai 21, 2021 jijini Mwanza ambalo lililenga kuwashirikisha viongozi na wanachama mbalimbali wa chama hicho wakiongozwa na mwenyekiti Freeman Mbowe.

Baadhi ya wakazi wa jijini wa Mwanza ambao walikuwa wakipita katika barabara ya Bwiru wameshuhudia vikosi vya askari Polisi wakiwa wametanda, AQMbapo walotoa mtazamo wao kuiona ni hali ya kutisha na ya kusikitisha katika suala la haki katika demokrasia.

Aidha, Jitihada zilizofanywa na mmoja wa mwandishi wetu katika kumtafuta Kamanda wa Polisi Mkoa wa Mwanza Ramadhan Ng’anzi kuzungumzia tukio hilo hazikufanikiwa.

Latest News

“MAISHA HAYAJI MARA MBILI, TUSIPOTOSHE KUHUSU CHANJO”-IGP. Simon Sirro.
29 Jul 2021 11:30 - Grace Melleor

Mkuu wa Jeshi la Polisi Nchini IGP. Simon Sirro, amewataka Wananchi na Watanzania kwa ujumla wasidanganywe na watu wacha [ ... ]

“MIMI NI MAMA, BIBI, MKE NA RAIS, SIWEZI KUJIWEKA KATIKA HATARI”-Rais Samia....
28 Jul 2021 10:26 - Grace Melleor

Rais wa Tanzania Samia Suluhu Hassan amepokea chanjo dhidi ya Ugonjwa wa COVID-19, Ambayo ameizindua leo Julai 28, Katik [ ... ]

MSICHANA AUAWA KWA KUVAA JEANS.
28 Jul 2021 09:51 - Grace Melleor

Msichana mmoja aliyejulikana kwa jina la Neha Paswan, mwenye umri wa miaka 17, anadaiwa kupigwa hadi kufa na watu wa fam [ ... ]

Other Articles

Social Media

Copyright © 2021 . Star Tv - Tanzania. All Rights Reserved.