Star Tv

Waziri Mkuu Kassim Majaliwa amewataka makatibu wakuu, naibu makatibu wakuu wa wizara na wakuu wa taasisi walioapishwa leo kuelewa majukumu yao na kujipanga kuwatumikia Watanzania.

Akizungumza mara baada ya viongozi hao kuapa mbele ya Rais wa Tanzania, Samia Suluhu Hassan Ikulu jijini Dar es Salaam, Waziri Mkuu amewataka makatibu Wakuu wote walioapishwa leo Aprili 6,2021 kuwa na nidhamu pamoja na kuwatumikia ipasavyo Watanzania.

"Wote mlioapishwa leo mkahakikishe mnakuwa na mpango kazi madhubuti, mnakuwa na nidhamu ya hali ya juu pamoja na kuhakikisha mnasimamia ukusanyaji wa maduhuli ili kusongesha vyema maendeleo ya nchi yetu"-Waziri Mkuu Kassim Majaliwa.

Amesema ni lazima wasimame kwenye nafasi zao kuhakikisha uchumi unakua kwa kiwango kilichopangwa.

“Nendeni mkasome na kuelewa wizara zenu na majukumu yake na mkafanye kazi kwa ajili ya kwatumikia Watanzania ipasavyo, jukumu lenu kubwa ni kuhakikisha shughuli za kila siku za wizara zinakwenda vizuri, muwe na mpango kazi utakaokidhi matakwa ya watanzania,” – Waziri Mkuu, Kassim Majaliwa.

Aidha, Waziri mkuu Majaliwa amesema tayari nchi imefanikiwa kuingia katika kundi la nchi zenye uchumi kati, hivyo hatua iliyobaki ni kufikisha maendeleo kwa mwananchi mmoja mmoja, suala ambalo viongozi wote wanapaswa kulipa kipaumbele.

Latest News

“TUTAJIRIDHISHA KABLA YA KUKUBALI CHANJO YA CORONA”- Rais Samia.
14 May 2021 18:24 - Grace Melleor

Rais wa Jamhuri ya Muungano wa Tanzania Samia Suluhu Hassan amesema kabla ya kupokea chanjo ya virusi vya Corona ni lazi [ ... ]

SOMALIA YATANGAZA KUREJESHA UHUSIANO NA KENYA.
06 May 2021 17:57 - Grace Melleor

Somalia imetangaza kuwa inarejesha mahusiano ya kidiplomasia na nchi jirani ya Kenya baada ya kusitisha mahusiano hayo m [ ... ]

KENYA NA TANZANIA KUONDOA VIKWAZO VYA BIASHARA.
05 May 2021 15:39 - Grace Melleor


Rais Samia Suluhu Hassan amesema Tanzania iko tayari kuwapokea wawekezaji kutoka Kenya pamoja na kuondoa vikwazo visivy  [ ... ]

Other Articles

Social Media

Copyright © 2021 . Star Tv - Tanzania. All Rights Reserved.