Rais wa Zimbabwe Emmerson Mnangagwa amezungumzia vurugu zilizotokea Marekani baada ya wafuasi wa Rais Donald Trump kuvamia jengo la bunge Capitol Hill.
Rais Mnangagwa aliandika ujumbe kwenye mtandao wa Twitter kuwa Marekani haina "haki ya kimaadili kuadhibu nchi zingine kwa misingi ya demokrasia".
Alisema kuwa Marekani imeiwekea Zimbabwe "vikwazo vikali" vya kiuchumi.
Mnangagwa amempongeza rais mteule "Ningependa tena kumpongeza Rais mteule Joe Biden, kwa kuthibitishwa kuwa Rais wa 46 wa Marekani, Zimbabwe iko na imekuwa tayari ushirikiano wake kama marafiki na washirika wa Marekani kwa manufaa ya nchi zote mbili," Bwana Mnangagwa amesema.
Marekani na Umoja wa Ulaya zote zimeendeleza vikwazo vyao dhidi ya Zimbambwe kwa madai ya ukosefu wa demokrasia endelevu na mabadiliko ya haki za binadamu pamoja na kubanwa kwa vyombo vya habari.
