Star Tv

Vijana wa kitanzania wanatakiwa kujenga utamaduni wa kupima mambo na kauli mbalimbali wanazoambiwa ili kujinusuru katika uvunjifu wa amani na kuliweka taifa katika hali ya Taharuki.

Akizungumza na vijana wa Zanzibar wakati akifungua kongamano la vijana kuhusiana na muungano na fursa za ajira kwa vijana wa Zanzibar waziri wa nchi ofisi ya makamu wa rais wa muungano Januari Makamba amewaeleza vijana hao kuwacha kufanya mambo kwa kukurupuka bali wawe makini na wapinga maendeleo ambao huja na vishawishi mbali mbali.

Anafafanua kuwa Muungano na mapinduzi ya Zanzibar ni urithi adhimu kwa mustakbali wa ustawi wa wananchi katika kukuza uchumi na kuimarisha maendeleo hivyo changamoto zinazojitokeza isiwe ndio chanzo cha kuukana muungano na mapinduzi bali watambue usatawi na fursa zinazopatikana ndio malengo ya ya Taifa la Tanzania.Pamoja na mambo mengine amelazimika kugusia mpango mkakati wa fursa za ajira kwa upande wa muungano ambapo amesema kuwa asilimia 21% hutolewa kwa upande wa Zanzibar Akizungumza wakati akitoa muhtasari wa fursa za ajira na malengo ya kongamano hilo Mkurugenzi Muungano Baraka B Baraka anasema kuwa vijana ni raslimali kubwa katika nchiyoyote endapo wakitumika ipasavyo.

Sekretarieti ya ajira serikali ya Jamuhuri ya Muungano wa Tanzania inajaribu kutoa taaluma kwa vijana mbali mbali hasa kukabili mapungufu ya vijana katika kuomba ajira Mkuu wa kitengo cha mawasiliano sekretarieti ya ajira.

Baadhi ya vijana wakati wa kongamano hilo wanaona fursa za ajira za muungano kwao bado ni tatizo. Kongamano hilo lililowaashirikisha mabaraza ya vijana visiwani Zanzibar limefanyika wakati waziri wa nchi ofisi ya makamu wa rais Muungano na Mazingira Januari Makamba akiwa katika ziara yake visiwani Zanzibar.

Latest News

Kumbukumbu ya miaka 20 ya Hayati Mwalimu Nyerere
14 Oct 2019 12:52 - Kisali Shombe

Kila tarehe 14/10 Tanzania inaazimisha kumbukumbu ya kifo cha hayati baba wa Taifa Mwalimu Julius Kambarage Nyerere. Mwa [ ... ]

Mgogoro machimbo ya Shilalo Mwanza: Serikali yasitisha uchimbaji wa Dhahabu
11 Oct 2019 10:14 - Grace Melleor

Serikali imesitisha kwa muda usiojulikana shughuli za uchimbaji wa Madini ya Dhahabu katika machimbo ya Shilalo wilayani [ ... ]

Kesi Ya Uhujumu Uchumi: Sethi Na Rugemalira Waandika Kuomba Msamaha
11 Oct 2019 09:46 - Grace Melleor

Hayo yamebainika katika Mahakama ya Hakimu Mkazi Kisutu ambapo imeeelezwa, Seth aliandika barua yake iliyopitia kwa Mkuu [ ... ]

Other Articles

Social Media

Copyright © 2019 . Star Tv - Tanzania. All Rights Reserved.