Star Tv

Tanzania yachukua Uenyekiti wa Nchi 79 za OACPS na kuelezea kipaumbele chake wakati wa Uenyekiti wake.

Tanzania imesema itatumia kipindi chake cha uenyeketi wa nchi za Afrika,Caribbean na Pacific na Umoja wa nchi za Ulaya katika kusisitiza juu ya urejeshwaji wa rasilimali zilizoporwa katika nchi hizo nyakati za ukoloni,kuheshimu mamlaka ya nchi husika na urejeshwaji wa wahamiaji haramu kwa kuzingatia utu na haki za binadamu.

Naibu Waziri wa Mambo ya Nje na Ushirikiano wa Afrika Mashariki Dr. Damas Ndumbaro ameyasema hayo wakati akishiriki mkutano wa dharura wa Mawaziri wa Mambo ya Nje wa jumuiya ya nchi za Afrika,Caribbean na Pacific (OACPS) ambapo Tanzania inapata heshima ya kukabidhiwa Uenyekiti wa Jumuiya hiyo kwa ngazi ya Balozi na Waziri katika nchi 79 za jumuiya hiyo.

Ameongeza kuwa mbali na masuala hayo pia Tanzania katika kipindi chake cha uenyekiti itatilia mkazo zaidi suala la mashirikiano ya kiuchumi ili kuziwezesha nchi zote za Jumuiya ya Afrika,Caribbean na Pacific kuingia katika uchumi wa kati ili kupunguza umasikini miongoni mwa wananchi wake jambo litakalosaidia kupunguza uhamiaji haramu na kupunguza uhalifu wa kimataifa miongoni mwa nchi hizo.

Aidha, amesema kuwa hoja nyingine ni kuhusu majadiliano yanayoendelea hivi sasa kati ya Nchi za Afrika,Caribbean na Pacific na Jumuiya ya Ulaya ya kupata mkataba mpya baada ya kumalizika kwa mkataba wa Kotonu uwe ni mkataba wenye manufaa kwa pande zote mbili utakaokuwa na msukumo katika suala la maendeleo.

 

Latest News

WANASHERIA WA BOBI WINE WARUHUSIWA KUMUONA MTEJA WAO.
22 Jan 2021 08:40 - Grace Melleor

Jeshi la UPDF na polisi nchini Uganda wamewaruhusu wanasheria wa waliokuwa wa mgombea wa kiti cha urais Robert Kyagulany [ ... ]

UINGEREZA YAPIGA MARUFUKU ABIRIA KUTOKA TANZANIA, DRC.
22 Jan 2021 08:18 - Grace Melleor

Abiria wote kutoka Tanzania na Jamuhuri ya Kidemokrasia ya Congo hawataruhusiwa kuingia nchini Uingereza na katika matai [ ... ]

KIJANA WA MIAKA 20 AMTEKA NYARA BABA YAKE NA KUDAI ALIPWE FIDIA.
21 Jan 2021 16:09 - Grace Melleor

Polisi wamemkamata mwanamume mmoja aliyejulikana kwa jina la Abubakar Amodu mwenye umri wa miaka 20, ambaye alipanga nja [ ... ]

Other Articles

Social Media

Copyright © 2021 . Star Tv - Tanzania. All Rights Reserved.