Star Tv

Waziri wa Viwanda na Biashara Innocent Bashungwa amelitaka shirika la viwango nchini TBS na tume ya ushindani FCC kuacha kukaa ofisini badala yake wachunguze bei na uzalishwaji wa bidhaa za kujikinga na maambukizi ya virusi vya corona ili ziweze kupatikana kwa urahisi na kwa bei elekezi.

Tamko hili limekuja siku chache mara baada ya serikali kupitia wizara ya afya kuthibitisha uwepo wa virusi vya corona nchini, upatikanaji wa bidhaa za usafi wa mikono yaani sanitizer, barakoa na vitakasa mikono pamoja na kemikali za usafi wa mazingira katika sehemu mbalimbali za jiji la Dar es Salaam umekuwa na changamoto kutokana na kupanda kwa bei,

Mbali na changamoto hiyo lakini bado kiwango halisi kinachohitajika katika vitakasa mikono hivyo kimekua na sintofaghamu pamoja na bei elekezi inayopaswa kufuatwa na wauzaji wa bidhaa hizo.

Waziri Bashungwa baada ya kusikia hayo akatumia nafasi hiyo kutembelea baadhi ya viwanda vinavyofanya uzalishaji wa bidhaa za vitakasa mikono kuangalia namna ambayo serikali inaweza kuwaongezea uwezo ili kuzalisha bidhaa hizo kwa wingi na kukidhi mahitaji yaliyopo sasa.

Mbali na kutembelea viwanda hivyo, imedhihirika kuwa viwanda vilivyopo sasa nchini  vina uwezo wa kuzalisha vitakasa mikono lita 5000 kwa siku huku huitaji ukiwa ni lita laki tatu na elfu hamsini.

Serikali imesema haitasita kuwachukulia hatua za kisheria ikiwemo kuwanyang’anya leseni wafanyabiashara ambao watabainika wanatumia mlipuko wa virusi vya corona kama sehemu ya kujipatia faida kubwa.

                                                                  Mwisho.

 

 

Latest News

WAKILI AKIITA KIFO CHA GEORGE FLOYD MAUAJI YALIYOPANGWA.
01 Jun 2020 06:32 - Grace Melleor


Video kutoka katika vituo viwili vya televisheni vya Philadelphia Jumapili zilionesha vijana wakivunja magari kadhaa ya  [ ... ]

MAANDAMANO YAENDELEA KUTANDA MAREKANI KUFUATIA KIFO CHA FLOYD.
30 May 2020 10:22 - Grace Melleor

Waandamanaji nchini Marekani wamendelea kutanda nchini humo na kukabiliana na polisi katika miji mbalimbali kufuatia mau [ ... ]

RAIS MAGUFULI AKABIDHI TAUSI 25 KWA MAMA MARIA NYERERE NA MARAIS WASTAAFU.
30 May 2020 09:49 - Grace Melleor

Rais Magufuli leo May 30,2020 Mkoani Dodoma amewakabidhi Marais Wastaafu wa Tanzania kila mmoja Tausi 25 wanaopatikana I [ ... ]

Other Articles

Social Media

Copyright © 2020 . Star Tv - Tanzania. All Rights Reserved.