Star Tv

Waziri  wa Nchi,Ofisi ya Rais,Tawala za Mikoa na Serikali za Mitaa (TAMISEMI) Mhe. Selemani Jafo  ametoa maagizo kwa wakuu wa wilaya,wakurugenzi na wakuu wa shule nchini,kuhakikisha wanaweka utaratibu mzuri wa usafiri kwa wanafunzi wote ambao wamekosa usafiri wa kurudi nyumbani mara baada ya shule zote kufungwa kufuatia uwepo wa ugonjwa Corona nchini.

Hii ni mara baada ya Waziri Mkuu Kassim Majaliwa kutoa tamko mnamo Machi 17,2020, la kufunga shule zote za awali, msingi na sekondari, vyuo vya kati pamoja na vyuo vikuu kwa siku 30 kutokana na tishio la ugonjwa wa Corona.

Waziri Jafo ametoa kauli hiyo leo Machi 20,2020 ofisini kwake jijini Dodoma wakati akizungumza na waandishi wa habari ambapo amesema kuwa iwapo kuna shida inayowafanya wakuu wa shule washindwe kuweka utaratibu mzuri wa wanafunzi wote kurejea nyumbani   wawasiliane na wenyeviti wa kamati za ulinzi na usalama ambao ni wakuu wa wilaya.

Aidha Mhe.Jafo ametoa  pongezi kwa Mkuu wa Shule ya Kilakala iliyopo Morogoro na Mkuu wa Shule ya Dodoma Sekondari kwa kuweka utaratibu mzuri uliowezesha wanafunzi wote kurudi nyumbani hata kwa ambao wazazi wao hawakuwa na hela za nauli wameweza kufika bila ya shida yoyote.

                  Mwisho

Latest News

WAKILI AKIITA KIFO CHA GEORGE FLOYD MAUAJI YALIYOPANGWA.
01 Jun 2020 06:32 - Grace Melleor


Video kutoka katika vituo viwili vya televisheni vya Philadelphia Jumapili zilionesha vijana wakivunja magari kadhaa ya  [ ... ]

MAANDAMANO YAENDELEA KUTANDA MAREKANI KUFUATIA KIFO CHA FLOYD.
30 May 2020 10:22 - Grace Melleor

Waandamanaji nchini Marekani wamendelea kutanda nchini humo na kukabiliana na polisi katika miji mbalimbali kufuatia mau [ ... ]

RAIS MAGUFULI AKABIDHI TAUSI 25 KWA MAMA MARIA NYERERE NA MARAIS WASTAAFU.
30 May 2020 09:49 - Grace Melleor

Rais Magufuli leo May 30,2020 Mkoani Dodoma amewakabidhi Marais Wastaafu wa Tanzania kila mmoja Tausi 25 wanaopatikana I [ ... ]

Other Articles

Social Media

Copyright © 2020 . Star Tv - Tanzania. All Rights Reserved.