Star Tv

Waziri wa afya nchini Tanzania, Ummy Mwalimu amethibitisha kisa cha kwanza cha mgonjwa mwenye maambukizi ya virusi vya Corona leo Machi 16, 2020 wakati akizungumza na waandishi wa habari.

Mgonjwa huyo ni mwanamke mwenye umri wa miaka 46 ambaye ni Mtanzania, aliyepokelewa jana nchini Machi 15, 2020 kwenye uwanja wa ndege KIA.

Waziri Ummy amesema baada ya mgonjwa huyo kupimwa jana pindi alipofika KIA hakukutwa na homa lakini baadaye alipofika hotelini alianza kujisikia vibaya na kwenda hospitalini ili kuchukuliwa vipimo ndipo alipogunduliwa tayari ana maambukizi ya virusi vya Corona na kwasasa yupo katika hospitali ya Mount Meru Arusha anaendelea vizuri na matibabu.

Aidha, Waziri Ummy amewatoa hofu Watanzania kwa kusema kuwa serikali imejiandaa kukabiliana na ugonjwa huo na inashirikiana na WHO pamoja na wadau wengine ili kutokomeza ugonjwa huo huku akiwataka wananchi  kuchukua tahadhari mapema.

Ametoa wito kwa Watanzania wasiokuwa na safari za lazima nje ya nchi kusitisha safari hizo na pia kuweka vifaa vya kunawia mikono kwa maji tiririka na sabuni pamoja na vitakasa mikono ,kuweka maji yenye dawa ya Chlorine  kwa ajili ya kusafisha mikono kwenye maeneo ya  mikusanyiko yenye watu kama vile nyumba zakulala wageni, vituo vya mabasi, na kuzitaka  hospitali za serikali na binafsi kuwekwa zuio la watu wengi  kuruhusiwa kumuona mgonjwa hospitalini.

                 Mwisho.

Latest News

WAKILI AKIITA KIFO CHA GEORGE FLOYD MAUAJI YALIYOPANGWA.
01 Jun 2020 06:32 - Grace Melleor


Video kutoka katika vituo viwili vya televisheni vya Philadelphia Jumapili zilionesha vijana wakivunja magari kadhaa ya  [ ... ]

MAANDAMANO YAENDELEA KUTANDA MAREKANI KUFUATIA KIFO CHA FLOYD.
30 May 2020 10:22 - Grace Melleor

Waandamanaji nchini Marekani wamendelea kutanda nchini humo na kukabiliana na polisi katika miji mbalimbali kufuatia mau [ ... ]

RAIS MAGUFULI AKABIDHI TAUSI 25 KWA MAMA MARIA NYERERE NA MARAIS WASTAAFU.
30 May 2020 09:49 - Grace Melleor

Rais Magufuli leo May 30,2020 Mkoani Dodoma amewakabidhi Marais Wastaafu wa Tanzania kila mmoja Tausi 25 wanaopatikana I [ ... ]

Other Articles

Social Media

Copyright © 2020 . Star Tv - Tanzania. All Rights Reserved.