Star Tv

Rais wa Jamhuri ya Tanzania Dkt.John Pombe Magufuli amesema serikali yake itakamata mifugo itakayoingia nchini kutoka nchi jirani kinyume cha sheria.

Amesema hayo wakati akizungumza na wananchi wa mkoa wa Kagera katika ziara yake ya kikazi na kuongeza kuwa Tanzania sio shamba la kuchungia mifugo ya nchi jirani na mifugo hiyo ikikamatwa hatua kali za kisheria zitachukuliwa na kuzitakata nchi jirani kufanya vivyo hivyo kwa mifugo ya Tanzania.

"Tanzania sio shamba la kuchungia mifugo ya nchi jirani, ndio maana tumeamua kukamata mifugo na kuchukua hatua kwa mujibu wa kisheria, na hata huko kwenye nchi jirani wakishika mifugo ya kutoka Tanzania wachukue hatua za kisheria za nchi hizo" alisisitiza rais Magufuli.

Matamshi hayo ya Magufuli yanajiri wakati ambapo kumekuwa na mgogoro wa mpakani mwa Kenya na Tanzania kuhusu mifugo katika siku za hivi karibuni.

Wiki tatu zilizopita serikali ya Tanzania ilizikamata zaidi ya ng'ombe 1000 kutoka Kenya na baadaye mahakama moja nchini ikaamuru mifugo hiyo kupigwa mnada na fedha hizo kutumiwa na serikali iwapo wamiliki wa mifugo hiyo watashindwa kulipa faini ya shilingi milioni 500 za Tanzania.

Na wiki moja iliopita takriban ng'ombe 4000 kutoka Tanzania zilidaiwa kupatikana katika jamii moja ya Maasai mjini Kajiado. Hivi majuzi hatua ya taifa la Tanzania kuwachoma kuku 6,400 kutoka Kenya wenye thamani ya shilini milioni 12 za Tanzania kwa madai kwamba wangesambaza ugonjwa wa homa ya ndege ilizua hizo tofauti kutoka kwa watetezi wa wanyama .

Afisa mkuu wa maswala ya mifugo nchini Tanzania Obedi Nyasembwa alisema kuwa kuku hao waliingizwa nchini humo kinyume na sheria na kwamba uwepo wao nchini humo ulikuwa hatari kwa ndege wengine. Kuku hao wa siku moja walikamatwa katika eneo la Namanga huku mfanyabishara wa Tanzania akikamatwa.

Baadaye mamlaka ya Tanzania iliwamwagia mafuta na kuwachoma kulingana na gazeti la mwananchi.

Aidha rais Magufuli amewaagiza viongozi wa Kagera kuhakikisha kuwa mifugo yao inawekwa alama kwa mujibu wa sheria, ili kurahisisha utambuzi wa mifugo inayoingizwa nchini kutoka nchi jirani na pia kudhibiti ruzuku inayotolewa na Serikali kwa dawa za mifugo za hapa nchini.

Kwa hisani ya BBC

Latest News

Rais John Magufuli atembelea majeruhi wa ajali ya moto Muhimbili.
11 Aug 2019 16:07 - Kisali Shombe

Rais wa wa Jamhuri ya Muungano wa Tanzania Dkt John Magufuli amewatembelea majeruhi 43 wa ajali ya moto iliyotokea Agost [ ... ]

Waziri Mkuu akerwa na upandishwaji wa bili ya maji, Maswa.
09 Aug 2019 11:44 - Kisali Shombe

Waziri Mkuu, Kassim Majaliwa amekerwa na kitendo cha Mamlaka ya Maji wilayani Maswa kupandisha bili ya maji kutoka sh 5, [ ... ]

Raia kutoka nchini China watumikia kifungo cha miaka 18 au faini milioni 315
09 Aug 2019 11:29 - Kisali Shombe

Mahakama ya hakimu mkazi Tarime mkoani Mara imewahukumu kifungo cha miaka 18 jela ama kulipa faini ya shilling million 3 [ ... ]

Other Articles

Social Media

Star Tv - Advertisement
Star Tv - Advertisement
Star Tv - Advertisement

Copyright © 2019 . Star Tv - Tanzania. All Rights Reserved.