Star Tv

Rais  wa Zanzibar na Mwenyekiti wa Baraza la Mapinduzi Dk. Ali Mohamed Shein amemuhakikishia Ushirikiano Waziri wa Nchi Ofisi ya Makamu wa Rais, Muungano na Mazingira Mussa Azzan Zungu ili aweze kutekeleza vyema majukumu yake hasa yale yanayohusu Muungano.

Dk. Shein amesema hayo Ikulu Jijini Zanzibar wakati alipokutana na kufanya mazungumzo na Waziri wa Nchi Ofisi ya Makamo wa Rais, Muungano na Mazingira Mussa Azzan Zungu ambaye ameteuliwa hivi karibuni na Rais wa Jamhuri ya Muungano wa Tanzania Dk. John Pombe Magufuli ili kushika wadhifa huo.

Katika maelezo yake Rais Dk. Shein alimueleza Waziri huyo kuwa yeye mwenyewe pamoja na viongozi wote wa Serikali ya Mapinduzi ya Zanzibar wakiwemo Mawaziri wake watahakikisha wanampa mashirikiano makubwa Waziri huyo ili aweze kutekeleza vyema kazi zake.

Rais Dk. Shein alimueleza kiongozi huyo kuwa miongoni mwa majukumu yake makubwa aliyonayo moja wapo ni kuhakikisha jitihada za waasisi wa Taifa hili Hayati Mzee Abeid Amani Karume na Hayati Julius Kambarage Nyerere za kuleta Muungano wa Tanganyika na Zanzibar zinaendelezwa na zinadumishwa.

Aliongeza kuwa Muungano wa Tanganyika na Zanzibar umeleta mafanikio makubwa hasa ikizingatiwa kwamba walioungana ni wananchi wa pande mbili ambao wana udugu wa asili na historia ya muda mrefu.

Aidha, Rais Dk. Shein alieleza matarajio yake makubwa aliyonayo kutokana na utendaji kazi na uzoefu alionao Waziri huyo ukiwemo uzoefu wa utumishi Serikalini  pamoja na ule wa ndani ya Bunge la Jamhuri ya Muungano wa Tanzania.

Pamoja na hayo Rais Dk. Shein alieleza kuwa mapenzi udugu wa wananchi wa pande mbili za Jamhuri ya Muungano wa Tanzania ni vyema ukaimarishwa na kudumishwa sambamba na kuendeleza mashirikiano yaliopo ya kihistoria.

Nae Waziri wa Nchi Ofisi ya Makamo wa Rais, Muungano na Mazingira Mussa Azzan Zungu alitoa shukurani kwa Rais wa Jamhuri ya Muungano wa Tanzania Dk. John kwa kumpatia wadhifa huo nakuahidi kufanya kazi kwa bidii kama alivyoaminiwa.

                                                                                Mwisho.

Latest News

OMBI ZITO KWA RAIS WA BURUNDI KUTOKA MUUNGANO WA WANAHABARI.
13 Aug 2020 14:45 - Grace Melleor

Muungano wa wanahabari nchini Burundi, umetoa wito kwa rais Évariste Ndayishimiye kuwasamehe wanahabari wanne wa Gazeti [ ... ]

“HAKUNA TISHIO LA TSUNAMI TANZANIA”-WANAJIOLOJIA WA MAREKANI.
13 Aug 2020 13:49 - Grace Melleor

Tetemeko la ardhi lenye ukubwa wa kipimo cha 5.9 Jumatano usiku limetikisa baadhi ya maeneo ya Tanzania hususani ukanda  [ ... ]

“TAKUKURU HAKIKISHENI WATANZANIA HAWARUBUNIWI”-Waziri Mkuu Majaliwa.
12 Aug 2020 15:11 - Grace Melleor

Waziri Mkuu Kassim Majaliwa ameiagiza Taasisi ya Kuzuia na Kupambana na Rushwa (TAKUKURU) ihakikishe Watanzania hawarubu [ ... ]

Other Articles

Social Media

Copyright © 2020 . Star Tv - Tanzania. All Rights Reserved.