Star Tv

Rais wa Jamhuri ya Muungano wa Tanzania John Pombe  Magufuli ametunukiwa  shahada ya heshima ya udaktari wa falsafa katika sayansi kwenye ukumbi wa Chimwaga uliopo Chuo Kikuu cha Dodoma (UDOM)

Kiongozi mkuu huyo wa nchi ametunukiwa shahada hiyo leo Alhamisi Novemba 21, 2019 katika mahafali ya 10 ya chuo hicho ambapo mkuu wa chuo hicho Rais mstaafu, Benjamin Mkapa naye amehudhuria katika mahafali hayo.

Viongozi waliohudhuria mahafali hayo ni Waziri Mkuu Kassim Majaliwa, Spika wa Bunge la Jamhuri ya Muungano wa Tanzania Job Ndugai, mawaziri kutoka wizara mbalimbali pamoja na wabunge.

Makamu Mkuu wa chuo hicho, Profesa Faustine Bee amesema shahada hiyo inatolewa kwa Rais Magufuli kutokana na uongozi wake katika ujenzi wa uchumi wa viwanda, kuwekeza katika elimu, miundombinu, mawasiliano, nishati, utalii na kuimarisha utawala bora pamoja na mapambano dhidi ya rushwa.

Prof. Faustine amesema shahada hiyo imewahi kutolewa kwa Rais mstaafu Jakaya Kikwete mwaka 2010 na pia waziri mkuu wa zamani marehemu Rashid Kawawa ambapo Rais Magufuli ni kiongozi wa tatu kutunukiwa shahada katika chuo cha UDOM.

 Wahitimu 6,488 watatunukiwa astashahada, shahada, stashahada ya juu, shahada ya umahiri na shahada ya uzamivu.

 

                                                                            Mwisho

Latest News

Matarajio katika mkutano wa BRICS nchini Afrika Kusini, Jumanne tarehe 22/2023
21 Aug 2023 12:14 - Kisali Shombe

Mkutano huo ambao utafanyikia Johannesburg nchini Afrika Kusini siku ya Jumanne, tarehe 22 Agosti 2023, unatarajiwa kuhu [ ... ]

Rais Ramaphosa Kuwa Mwenyeji wa Rais Xi Jinping wa China
21 Aug 2023 11:11 - Kisali Shombe

Rais Cyril Ramaphosa Jumanne ya tarehe 22 Agosti 2023, atakuwa mwenyeji wa Mheshimiwa Rais Xi Jinping wa China katika Zi [ ... ]

Urusi Kuchagiza Maendeleo Afrika kupitia Nishati ya Nuklia na Madini ya Urani
12 Aug 2023 10:07 - Kisali Shombe

ROSATOM, taasisi ya nishati ya nyuklia ya serikali ya Urusi ambayo iliwaalika zaidi ya waandishi wa habari 15 kutoka nch [ ... ]

Other Articles

Social Media

Copyright © 2024 . Star Tv - Tanzania. All Rights Reserved.