Hali ya sintofahamu imezuka kwa wakazi wa kata ya Ruhembe wilaya ya Kilosa mkoani Morogoro  kufuatia  watu 10 wakazi wa kata  hiyo kupotea kwa siku 18 mara baada ya watu hao  kudaiwa kwenda kufanya shughuli za kibinadamu  katika hifadhi ya taifa ya Mikumi kinyume cha sheria na kupotelea huko mpaka sasa .

Tukio hilo la kupotea kwa watu hao 10 limetajwa kutokea Aprili mbili mwaka huu  majira ya asubuhi mara baada ya watu hao kuaga kuwa wanakwenda shambani  na kisha kuingia kwenye hifadhi ya taifa ya Mikumi kwa ajili ya kufanya shuguli mbalimbali za kibinadamu  na baada ya hapo watu hao wakashindwa kurejea kijijini  hatua iliyopelekea wananchi kuwa na mashaka na watu hao kutokana na  siku kusonga mbele bila watu hao kurejeaa kijijini akibainishandiwani wa kata hiyo Salim Mponzi na mwenyekiti wa kijiji hicho Mohamed Kapyale.

Kufuatia tukio hilo imemlazimu kamanda wa Polisi Mkoa wa Morogoro kamishna msaidizi mwandamizi wa jeshi la Polisi Wilbroad Mutafungwa kufika katika kijiji hicho na kuongea na wananchi  kuhusu kutokea kwa tukio hilo huku akiwaomba wananchi hao kutoa ushirikiano kwa Jeshi la polisi ili kuweza kubaini mahali walipo watu hao  .

 

 Licha ya watu hao kupotea  katika hifadhi ya Mikumi, watu wengine wanaoishi kijijini hapo wameendelea  kufanya shughuli zao ndani ya hifadhi hiyo  bila kuhofia chochote hatua inayomshangaza kamanda Mutafungwa huku uongozi wa kijiji ukiwataka wananchi kutoa ushirikiano kwa Jeshi la Polisi. 

Hata hivyo kamanda Mutafungwa amekemea tabia ya baadhi ya wananchi wanaopakana na hifadhi za taifa kufanya shughuli mbalimbali  za kibinadamu ndani ya hifadhi hizo bila ya kuwa na kibali. 

Jitihida za kuwatafuta watu hao  bado  zinaendelea kufanywa na Jeshi la Polisi kwa kushirikiana  na askari wa wanyama pori kutoka katika hifadhi ya Mikumi ili kujua kipi kimewapata watu hao.

Latest News

Halmashauri mapato yake hayaridhishi, Waziri Mkuu mkutano wa ALAT,
23 Jul 2019 15:43 - Kisali Shombe

Waziri mkuu, Kassim Majaliwa amezionya Halmashauri za Wilaya na Manispaa zilizoshindwa kufikisha malengo ya makusanyo ya [ ... ]

Watendaji wa Serikali wakamatwa kwa kuomba na kupokea Rushwa.
23 Jul 2019 15:28 - Kisali Shombe

Taasisi ya kuzuia na kupambana na rushwa (TAKUKURU), mkoa wa Simiyu imewakamata na kuwafikisha mahakamani watendaji wata [ ... ]

Kiwanda cha Alizeti chakosa malighafi, Mara
17 Jul 2019 13:12 - Kisali Shombe

Halmashauri ya wilaya ya Serengeti mkoani Mara imetenga zaidi ya shilingi milioni ishirini na tano ili kuwapa wakulima  [ ... ]

Other Articles

Social Media

Copyright © 2019 . Star Tv - Tanzania. All Rights Reserved.