Star Tv

Kampuni ya huduma za usafiri inayotumia programu tumishi Uber imetangaza mpango wa kuanzisha huduma za boti Tanzania. Kampuni hiyo kufikia sasa imekuwa ikitoa huduma za usafiri kupitia magari na bajaji. Huduma hiyo mpya itafahamika kama UberBoat. Meneja masoko wa Uber Kanda ya Afrika Mashariki, Elizaberth Njeri amenukuliwa na gazeti la Mwananchi akisema huduma zilizopo za Uber zimefanikiwa vyema na ndio maana wakaamua kuanzisha pia huduma ya boti.

Kadhalika, Dar es Salaam ni mji wa pwani pamoja na visiwa vya Zanzibar na hivyo usafiri wa boti utafaa sana. "Dar es Salaam imezungukwa na fukwe nzuri na visiwa vidogo vidogo lakini watu hawapati ladha halisi ya mandhari hayo kwa kuwa hawajui wanawezaje kufika huko. Huduma ya Uberboat ambayo inakaribia kuanza hivi karibuni itasaidia hilo," amesema Bi Njeri.

Hata hivyo, hakueleza ni lini huduma hiyo itaanza. "Siwezi kusema ni lini hasa, lakini ni 'very soon' (hivi karibuni) inaweza ikawa wiki mbili zijazo au mwezi mmoja lakini ndo hivi tumekwisha zindua. Hatutaishia Dar es Salaam na Zanzibar tu, tunatarajia kwenda na maeneo mengine kulingana na uhitaji wa soko."

Kampuni hiyo iliandaa tamasha kwa jina UberBOAT Party Jumamosi ambapo waliohudhuriwa walikuwa ni kwa mwaliko. Kwenye app ya kampuni hiyo, kulikuwa na bango la kiungo cha UberBoat ambapo waliotaka kuhudhuria tamasha hiyo walitakiwa kukitumia kujiandikisha.

Uber imekuwa ikiendesha biashara barani Afrika kwa takriban miaka mitano sasa. Kando na usafiri, kampuni hiyo imekuwa ikijihusisha katika biashara ya kusafirisha chakula kwa wakazi wa mijini ambapo wana huduma kama vile UberZenjiPizza ambayo ni huduma ya pizza ya Zanzibar na UberChoma ambayo ya nyama choma ikiwalenga wakazi wa Dar es Salaam.

Kampuni hiyo tayari ina huduma ya UberBoat katika maeneo mbalimbali duniani yakiwemo Croatia, Boston, Miami and Istanbul.

Kwa hisani ya BBC

Latest News

Nape Nnauye akutana na Mhe. Rais Magufuli, amuomba radhi.
10 Sep 2019 11:44 - Kisali Shombe

Mbunge wa Jimbo la Mtama Mkoani Lindi, Mhe. Nape Nnauye amekutana na kumuomba radhi Rais wa Jamhuri ya Muungano wa Tanza [ ... ]

Mauaji ya raia wa kigeni nchini Afrika Kusini
09 Sep 2019 09:21 - Kisali Shombe

Maafisa wa usalama nchini Afrika Kusini hapo jana walikabiliana na waporaji kwa kutumia magurunedi na risasi za mpira ka [ ... ]

Kura za siri zapigwa kubaini Majambazi na Vibaka, Tabora
09 Sep 2019 09:11 - Kisali Shombe

Wananchi wa wilaya ya Igunga na Nzega mkoani Tabora wameiunga mkono Kampeni ya Fukuafukua Majambazi na Vibaka kwa kupiga [ ... ]

Other Articles

Social Media

Copyright © 2019 . Star Tv - Tanzania. All Rights Reserved.