Star Tv

Mtu mmoja amefariki nchini Tanzania baada ya kuigonga ndege iliokuwa ikipaa katika uwanja wa ndege wa Mwanza. Akizungumza kwa njia ya simu mmoja wa wafanyakazi wa kiwanja hicho cha ndege ameielezea BBC kuwa mtu huyo alivuka mpaka na kuingia eneo la uwanja wa ndege na moja kwa moja kwenye njia ya kurukia ndege ambapo alikutana na ndege ya shirika la ndege la Fast Jest iliyokuwa inaruka kuelekea jijini Dar es salaam.

Jeshi la polisi jijini Mwanza linasema tukio hilo la aina yake lilitokea usiku majira ya saa tatu Januari 17 na baada ya kuruka rubani wa ndege iliyohusika aliwajulisha wenzake kwenye mnara wa kuongozea ndege uwanjani hapo juu ya tukio hilo.

Kwa mujibu wa kaimu mkurugenzi mkuu wa mamlaka ya viwanja vya ndege Tanzania (TAA), Richard Mayongela ambaye amethibitisha kutokea kwa tukio hilo amenukuliwa na Radio Free Afrika (RFA) akisema "Ingawa ndege ndiyo ilimgonga mtu huyo ambaye jina lake hatulifahamu, kisheria mtu au kitu chochote kinachokuwa kwenye njia ya kurukia na kutua ndege ndiyo kinahesabiwa kuigonga ndege, ni kama ilivyo kwa treni," Mpaka sasa haijafahamiki ilikuwaje mtu huyo akawepo kwenye njia ya kurukia ndege wakati ndege ilipokaribia kuruka licha ya ukaguzi wa njia hiyo kabla ya ndege hiyo kuruhusiwa kuanza safari yake.

Jeshi la Polisi nchini humo linaendelea na uchunguzi kubaini undani wa kisa hicho Uwanja wa ndege wa Mwanza uko pembezoni mwa ziwa victoria na umepakana na makazi ya watu na kwa muda sasa umekuwa hauna uzio licha ya kuwa umekuwa ukitengenezwa kwa miaka kadhaa sasa.

Kwa hisani ya BBC

Latest News

Mwanafunzi apoteza maisha, baada ya kutumbukia kisimani.
17 Sep 2019 10:27 - Kisali Shombe

Mwanafunzi¬†mmoja Matutu Mashini (7) aliyekuwa anasoma darasa la kwanza katika shule ya msingi Salama A, iliyoko katika  [ ... ]

Rais Magufuli atengua uteuzi wa Mkuu wa Wilaya na Mkurugenzi wa Halmashauri ya W...
17 Sep 2019 10:02 - Kisali Shombe

Rais wa Jamhuri ya Muungano wa Tanzania, Mhe. Dkt. John Pombe Magufuli ametengua uteuzi wa Mkuu wa Wilaya ya Malinyi Mko [ ... ]

Nape Nnauye akutana na Mhe. Rais Magufuli, amuomba radhi.
10 Sep 2019 11:44 - Kisali Shombe

Mbunge wa Jimbo la Mtama Mkoani Lindi, Mhe. Nape Nnauye amekutana na kumuomba radhi Rais wa Jamhuri ya Muungano wa Tanza [ ... ]

Other Articles

Social Media

Copyright © 2019 . Star Tv - Tanzania. All Rights Reserved.