Star Tv

Watanzania wanaozungukwa na bonde la Mto Kihansi ambalo ni maarufu kwa uwepo wa vyura adimu duniani wanajulikana kama ‘Chura waKihansi’ wameombwa kushiriki utunzaji wa vyanzo vya maji na uhifadhi wa mazingira.

Wajumbe wa Kamati ya Kudumu ya Bunge Viwanda, Biashara na Mazingira wametoa wito huo kwenye zira ya kujifunza kujifunza shughuli mbalimbali za uhifadhi wa vyanzo vya maji katika bonde hilo na kutaka elimu zaidi itolewe juu ya faida mbalimbali za bonde hilo mkoani Morogoro.

Mbunge wa Moshi Vijijini ambaye pia ni mjumbe wa kamati hiyo Anthony Komu, amesema eneo la bonde la Kihansi ni kubwa lakini ni eneo dogo tu lililohifadhiwa hivyo kutoa nafasi kwa wananchi kufanya kilimo kinachoharibu vyanzo vya maji.

Naye, Mbunge wa Viti Maalumu Mkoa wa Tabora, Bi. Hawa Mwaifunga amesema, ziara hiyo imemuongezea uelewa na umuhimu wa kuhifadhi mazingira na utunzaji vyanzo vya maji kwani kabla alikuwa anasikia tu kama hadithi.

Awali akitoa historia ya bonde hilo lenye utajiri wa viumbehai adimu, Mratibu wa mradi huo Bi. Amina Kibola amezishukuru taasisi mbalimbali za serikali zikiwemo TAWIRI, vyuo vikuu vya SUA na UDSM kwa kushirkiana na Ofisi ya Makamu wa Rais kuhakikisha ustawi wa mradi wa Kihansi.

Kwa muda mrefu sasa NEMC imekuwa mstari wa mbele kushirikiana na taasisi mbalimbali za serikali na wadau wengine kuhakikisha vyura wa kihansi ambao walikuwa hatarini kupotea kutokana na shughuli za kibinadamu wanakuwa salama na kurudi katika mazingira ya asili ya bonde hilo.

Picha na mtandao.

Latest News

Nape Nnauye akutana na Mhe. Rais Magufuli, amuomba radhi.
10 Sep 2019 11:44 - Kisali Shombe

Mbunge wa Jimbo la Mtama Mkoani Lindi, Mhe. Nape Nnauye amekutana na kumuomba radhi Rais wa Jamhuri ya Muungano wa Tanza [ ... ]

Mauaji ya raia wa kigeni nchini Afrika Kusini
09 Sep 2019 09:21 - Kisali Shombe

Maafisa wa usalama nchini Afrika Kusini hapo jana walikabiliana na waporaji kwa kutumia magurunedi na risasi za mpira ka [ ... ]

Kura za siri zapigwa kubaini Majambazi na Vibaka, Tabora
09 Sep 2019 09:11 - Kisali Shombe

Wananchi wa wilaya ya Igunga na Nzega mkoani Tabora wameiunga mkono Kampeni ya Fukuafukua Majambazi na Vibaka kwa kupiga [ ... ]

Other Articles

Social Media

Copyright © 2019 . Star Tv - Tanzania. All Rights Reserved.