Star Tv

Naibu Waziri wa Madini Doto Biteko ametaka ukusanyaji wa mapato katika sekta ya madini ufanyike kwa uwazi bila kificho na kuagiza kuwa kuanzia sasa kazi za kukusanya Maduhuli zinazofanywa na Ofisi ya Madini hazitafanywa na ofisi hiyo pekee bali watashirikiana na Kamati za Ulinzi na Usalama katika eneo husika.

Naibu Waziri wa Madini Doto Biteko amezungumza hayo mara baada ya kuwasili katika ziara yake ya siku moja Mkoani Geita. Ameeleza kuwa Mikoa ambayo uchumi wake unategemea zaidi madini bado maeneo hayo hayajaonesha matokeo yanayotarajiwa lakini pia kumekua na changamoto ya baadhi ya maeneo kuchimbwa dhahabu lakini sekta husika haina taarifa.

Takwimu za ukusanyaji wa maduhuli kwa mwaka 2010/2011 hadi mwaka 2016/2017 inaonyesha ni jumla ya zaidi ya bilioni 56.

Imeelezwa pia ukosefu wa tafiti za kitaalamu kwa wachimbaji ni tatizo hali inayowafanya wabahatishe katika upatikanaji wa dhahabu. Pamoja na hayo Naibu Waziri Doto Biteko ametembele Mgodi wa Buntubili ambao siku za karibuni mchimbaji mmoja aliangukiwa na kifusi na kufariki na kutaka Wamiliki wote wa migodi wazingatie usalama lakini pia ukaguzi wa mara kwa mara ufanyike migodini.

Picha na mtandao.

Latest News

Mwanafunzi apoteza maisha, baada ya kutumbukia kisimani.
17 Sep 2019 10:27 - Kisali Shombe

Mwanafunzi mmoja Matutu Mashini (7) aliyekuwa anasoma darasa la kwanza katika shule ya msingi Salama A, iliyoko katika  [ ... ]

Rais Magufuli atengua uteuzi wa Mkuu wa Wilaya na Mkurugenzi wa Halmashauri ya W...
17 Sep 2019 10:02 - Kisali Shombe

Rais wa Jamhuri ya Muungano wa Tanzania, Mhe. Dkt. John Pombe Magufuli ametengua uteuzi wa Mkuu wa Wilaya ya Malinyi Mko [ ... ]

Nape Nnauye akutana na Mhe. Rais Magufuli, amuomba radhi.
10 Sep 2019 11:44 - Kisali Shombe

Mbunge wa Jimbo la Mtama Mkoani Lindi, Mhe. Nape Nnauye amekutana na kumuomba radhi Rais wa Jamhuri ya Muungano wa Tanza [ ... ]

Other Articles

Social Media

Copyright © 2019 . Star Tv - Tanzania. All Rights Reserved.