Star Tv

Rais wa Jamhuri ya Muungano wa Tanzania Dokta John Magufuli amesema Serikali ya awamu ya tano imedhamiria kufanikisha utafutaji na upatikanaji wa mafuta yaliyopo katika bonde la Eyasi Wembere na ziwa Tanganyika nchini ili Tanzania ianze kunufaika na rasilimali hiyo.

Rais Magufuli amesema hayo muda mfupi baada ya kupokea taarifa ya maendeleo ya utafiti wa mafuta katika maeneo ya bonde la ufa ya Eyasi Wembere na ziwa Tanganyika iliyowasilishwa na timu ya wataalamu wa Tanzania na Uganda.

Timu hiyo imeelezea uwepo wa viashiria vya uhakika vya kijiolojia vinavyothibitisha kuwepo kwa mafuta katika maeneo ya Senkenke, Mwanzugi na Kining’inila katika bonde la Manonga wilayani Igunga mkoani Tabora.

Katika mkutano huo uliohudhuriwa na Waziri Mkuu Kassim Majaliwa, Naibu Waziri wa Nishati na Madini Dokta Medard Kalemani na Balozi wa Uganda nchini Richard Kabonero, timu ya wataalamu hao imesema miamba, uoto na uwepo wa bonde Eyasi Wembere katika mfumo mmoja wa bonde la Afrika Mashariki unaofanana na maeneo mengine yaliyothibitika kuwa na mafuta ni kiashiria muhimu cha kuwepo mafuta.

Kutokana na taarifa hiyo, Rais Magufuli amewashukuru wataalamu wa Uganda wanaoshirikiana na wataalamu wa Tanzania katika kazi hii akiwaagiza wataalamu wa Tanzania kuendelea kufanya kazi kwa ukaribu na wataalamu wa Uganda ambao wana uzoefu wa kupata mafuta katika ziwa Albert nchini humo. Rais Magufuli amemuomba Kaimu Katibu Mkuu wa Wizara ya Nishati na Madini wa Uganda Robert Kasande kumfikishia shukrani zake kwa Rais wa Uganda Yoweri Kaguta Museveni kwa ushirikiano anaoutoa kwa Tanzania katika kufanikisha upatikanaji wa mafuta nchini Tanzania.

Latest News

Mwanafunzi apoteza maisha, baada ya kutumbukia kisimani.
17 Sep 2019 10:27 - Kisali Shombe

Mwanafunzi mmoja Matutu Mashini (7) aliyekuwa anasoma darasa la kwanza katika shule ya msingi Salama A, iliyoko katika  [ ... ]

Rais Magufuli atengua uteuzi wa Mkuu wa Wilaya na Mkurugenzi wa Halmashauri ya W...
17 Sep 2019 10:02 - Kisali Shombe

Rais wa Jamhuri ya Muungano wa Tanzania, Mhe. Dkt. John Pombe Magufuli ametengua uteuzi wa Mkuu wa Wilaya ya Malinyi Mko [ ... ]

Nape Nnauye akutana na Mhe. Rais Magufuli, amuomba radhi.
10 Sep 2019 11:44 - Kisali Shombe

Mbunge wa Jimbo la Mtama Mkoani Lindi, Mhe. Nape Nnauye amekutana na kumuomba radhi Rais wa Jamhuri ya Muungano wa Tanza [ ... ]

Other Articles

Social Media

Copyright © 2019 . Star Tv - Tanzania. All Rights Reserved.