Japan itakuwa mwenyeji wa mkutano wa maendeleo na viongozi wa Afrika wiki hii, ikitazamia kuimarisha uwepo wake barani humo na kutoa mapendekezo mbadala kwa uwekezaji wa China inayozidi kujiimarisha barani Afrika.

Waziri Mkuu wa Japan Shinzo Abe amesema anataka duru hii ya mkutano wa kimataifa wa Tokyo kuhusu maendeleo ya Afrika, TICAD, kusaidia kuzindua mkakati wa Japan wenye athari barani humo. Na mkutano huo, unaofanyika karibu kila miaka mitano tangu 1993 nchini Japan au katika nchi ya Afrika, unakuja wakati kuna ongezeko la uwekezaji nchini China, ambayo ilitangaza kiasi cha dola bilioni 60 katika ufadhili wa maendeleo ya Afrika mwaka jana. Kiasi hicho ni mara ya mbili zaidi ya ahadi ya Japan wakati wa mkutano wa TICAD mwaka 2016. Lakini wachambuzi wamesema Japan haina uwezekano wa kuipiku ahadi ya China katika mkutano wa mwaka huu, unaoanza kesho Jumatano na kumalizika siku ya Ijumaa.

CHANZO: Idhaa ya Kiswahili ya DW