Star Tv

Kansela wa Austria Sebastian Kurz aliyeondolewa madarakani jana Jumatatu kupitia kura ya bunge ya kutokuwa na imani naye na hivyo kupisha njia kwa ajili ya uchaguzi mpya, ameapa kwamba chama chake kilicho na siasa za wastani za mrengo wa kulia kitarejea katika uongozi kikiwa na nguvu zaidi.

Kura hiyo dhidi ya kiongozi huyo kijana wa nchi na serikali au baraza lake la mawaziri ni ya kihistoria nchini Austria tangu kumalizika kwa Vita Kuu ya Pili ya Dunia. Kura hiyo imeungwa mkono na wabunge kutoka chama cha Social Democrats na chama cha Freedom kinachofuata siasa kali za mrengo wa kulia, ambacho kilikuwa katika serikali ya muungano ya Kurz hadi wiki moja iliyopita ambapo kiongozi wake alijiuzulu kutokana na kashfa ya rushwa. Kwa mujibu wa katiba, Rais wa Austria, Alexander Van der Bellen sasa anapaswa kumteua kansela mpya ambaye ataunda serikali ambayo itaungwa na mkono na bunge hadi uchaguzi mkuu utakapofanyika. Uchaguzi unatarajiwa kufanyika mwezi Septemba.

 

CHANZO: Idhaa ya Kiswahili DW

Latest News

Nape Nnauye akutana na Mhe. Rais Magufuli, amuomba radhi.
10 Sep 2019 11:44 - Kisali Shombe

Mbunge wa Jimbo la Mtama Mkoani Lindi, Mhe. Nape Nnauye amekutana na kumuomba radhi Rais wa Jamhuri ya Muungano wa Tanza [ ... ]

Mauaji ya raia wa kigeni nchini Afrika Kusini
09 Sep 2019 09:21 - Kisali Shombe

Maafisa wa usalama nchini Afrika Kusini hapo jana walikabiliana na waporaji kwa kutumia magurunedi na risasi za mpira ka [ ... ]

Kura za siri zapigwa kubaini Majambazi na Vibaka, Tabora
09 Sep 2019 09:11 - Kisali Shombe

Wananchi wa wilaya ya Igunga na Nzega mkoani Tabora wameiunga mkono Kampeni ya Fukuafukua Majambazi na Vibaka kwa kupiga [ ... ]

Other Articles

Social Media

Copyright © 2019 . Star Tv - Tanzania. All Rights Reserved.