Baraza la kijeshi linalotawala Sudan limekiri kwamba vikosi vya usalama vilikiuka sheria wakati wa kuwatawanya waandamanaji nje ya makao makuu ya jeshi katika mji mkuu wa Khartoum wiki iliyopita.

Waziri Mkuu wa Ethiopia Abiy Ahmed amewasili mjini Kharotum, Sudan kusimamia mazungumzo kati ya baraza la kijeshi na viongozi wa waandamanaji kufuatia hatua kali za kijeshi dhidi ya waandamanaji wiki hii.

Makundi ya upinzani nchini Sudan leo yameanza kampeini ya kitaifa ya kutotii sheria baada ya viongozi wake wawili kuripotiwa kukamatwa. Kupitia ujumbe uliotumwa katika mtandao wa Twitter na muungano wa wataalam wa Sudan-SPA- kundi kuu katika upinzani, mgomo huo ni njia ya amani ya upinzani.

Rais wa Jamhuri ya Muungano wa Tanzania, Mhe. Dkt. John Pombe Magufuli amewasili katika Jiji la Harare nchini Zimbabwe ambapo anafanya Ziara Rasmi ya Kitaifa ya siku 2 kwa mwaliko wa Rais wa Zimbabwe, Mhe. Emmerson Mnangagwa.