Rais wa Kenya Uhuru Kenyatta amethibitisha kisa cha tatu cha maambukizi ya virusi vya corona hapo jana Machi 15, 2020 na kuamuru shule zote nchini humo zifungwe.

Uganda imeachana na mradi wa kujenga bwawa la kufua umeme katika maporomoko ya maji ya Marchison.

Waziri wa afya nchini Kenya Mutahi Kagwe amethibitisha kisa cha mtu mmoja kutoka nchini humo kuugua ugonjwa wa Corona katika tangazo alilolitoa moja kwa moja kupitia vyombo vya habari.

Korti ya Mazingira nchini Kenya imezuia ujenzi wa mtambo wa kuzalisha umeme kwa kutumia makaa ya mawe, ambao ulitarajiwa kujengwa katika kisiwa cha Lamu. Mradi huo wenye gharama ya dola bilioni mbili umepingwa vikali na wanaharakati wa ulinzi wa mazingira, na wenyeji wa kisiwa hicho. Jaji Mohammed Balala ameubatilisha uamuzi wa awali ulioridhia kibali cha ujenzi kwa mwekezaji, Amu Power.

Wananchi wa Kenya wanaendelea  kutoa heshima zao za mwisho kwa aliyekuwa rais wa nchi hiyo Daniel  Arap Moi, aliyefariki dunia wiki iliyopita ambapo leo ni siku ya tatu na ya mwisho tangu wananchi wa Kenya waanze kutoa heshima kwa kiongozi wao.

Watu sita wamefariki dunia na wengine kadhaa hawajulikani walipo, kufuatia mvua kubwa zilizosababisha maporomoko ya udongo katika wilaya ya Bududa mashariki mwa Uganda.

Wanafunzi saba wamekufa na wengine 57 wamejeruhiwa baada ya jengo la darasa moja kuanguka katika shule moja ya msingi katika mji mkuu wa Kenya, Nairobi.

Bunge la Jumuiya ya Afrika Mashariki, limepitisha azimio la kutaka kupitishwa kwa sheria ya kupiga marufuku utengenezaji na uingizwaji wa sabuni na vipodozi vyenye viambata vya sumu
vinavyodaiwa kuathiri afya za watumiaji hususani wanawake.