Star Tv

Mashetani wekundu wa Jiji la Manchester, Manchester United, inakaribia kuinasa saini ya beki wa Tottenham Hotspurs Toby Alderweireld kwa ada ya pauni milioni 60 na huenda dili hilo likafanikiwa ndani ya saa 48 zijazo baada ya mabosi wa timu zote mbili kuafikiana juu ya uhamisho huo.

Siku chache zilizopita, dili la uhamisho huo lilikwama kufuatia mabosi hao wa Red Devils kutokuwa tayari kutoa kitita cha pauni milioni 75 ambazo Spurs walihitaji ili waweze kumuachia mchezaji huyo mwenye umri wa miaka 29 kuhamia viunga vya Old Traford, na sasa imeripotiwa kuwa mazungumzo baina ya mabosi wa timu zote mbili yameenda vizuri, kinachosubiriwa na mchezaji huyo kumwaga wino wa kukitumikia kikosi hicho kinachonolewa na Mreno Jose Mourinho kwa uhamisho wa pauni milioni 60.

Wakati dili la uhamisho huo likitegemewa kukamilika, United pia wapo katika hatua za mwisho za kupeleka ofa ya kutaka kumsajili kiungo mshambuliaji wa Chelsea, Willian mwenye umri wa miaka 29 ambaye kocha Jose Mourinho anaona kama silaha muhimu kuipata ili kuongeza nguvu kwenye safu ya ushambuliaji ya kikosi hicho kabla dirisha la usajili kufungwa majira haya ya kiangazi siku tano zijazo.

Mbrazili huyo ana mkataba unaomuweka Darajani hadi 20, lakini Mourinho anamchukulia mchezaji huyo kuwa chaguo lake namba moja kwenye dirisha hili la usajili. Hata hivyo wiki moja kabla, Mreno huyo alifanya mazungumzo na Mkurugenzi wa mashetani hao Ed Woodward, huku ikielezwa kuwa kocha huyo hafurahii namna klabu hiyo inavyoendesha zoezi la usajili huku kukiwa na sintofahamu juu ya kiungo wa kikosi hicho Mfaransa Paul Pogba kuendelea kubaki ndani ya viunga vya Old Traford baada ya wakala wake Mino Raiola kutaka mazungumzo na mabosi hao juu ya hatima yake, wakati huu ambapo Mabingwa wa La liga Barcelona wanamtolea macho. 

 

 

Latest News

Rais John Magufuli atembelea majeruhi wa ajali ya moto Muhimbili.
11 Aug 2019 16:07 - Kisali Shombe

Rais wa wa Jamhuri ya Muungano wa Tanzania Dkt John Magufuli amewatembelea majeruhi 43 wa ajali ya moto iliyotokea Agost [ ... ]

Waziri Mkuu akerwa na upandishwaji wa bili ya maji, Maswa.
09 Aug 2019 11:44 - Kisali Shombe

Waziri Mkuu, Kassim Majaliwa amekerwa na kitendo cha Mamlaka ya Maji wilayani Maswa kupandisha bili ya maji kutoka sh 5, [ ... ]

Raia kutoka nchini China watumikia kifungo cha miaka 18 au faini milioni 315
09 Aug 2019 11:29 - Kisali Shombe

Mahakama ya hakimu mkazi Tarime mkoani Mara imewahukumu kifungo cha miaka 18 jela ama kulipa faini ya shilling million 3 [ ... ]

Other Articles

Social Media

Star Tv - Advertisement
Star Tv - Advertisement
Star Tv - Advertisement

Copyright © 2019 . Star Tv - Tanzania. All Rights Reserved.