Star Tv

Daktari wa China ambaye alikuwa miongoni mwa watu wa kwanza kutoa taarifa kuhusu mlipuko mpya wa virusi vya Corona amefariki dunia kutokana na maambukizi ya virusi hivyo mapema siku ya leo Ijumaa Februari 07, 2020.

Taarifa za kifo cha daktari huyo  anayejulikana kwa jina la Li Wenliang zimetengazwa na hospitali yake aliyokuwa akifanyia kazi.

Li Wenliang ambaye alikuwa daktari wa magonjwa ya macho amefariki kutokana na maambukizi hayo alfajiri ya leo Februari 07 ambapo hospitali kuu ya Wuhan imesema katika taarifa iliyochapishwa kwenye akaunti yake rasmi kwenye jukwaa la mtandao wa kijamii nchini China ya Weibo juu ya kifo cha daktari huyo ni za kweli.

Kufuatia hatua hiyo, serikali ya China imetangaza kuanzisha uchunguzi maalum kuhusu kifo cha daktari huyo ambaye ripoti zinasema kuwa, alitishwa alipojaribu kuzungumzia maambukizi hayo hatari ya virusi hivyo vya corona.

Kufikia siku ya leo  Ijumaa tayari watu 630 wamepoteza maisha na wengine 31,000 wameambukizwa ugonjwa huko nchini China.

Rais wa China Xi Jinping na mwenzake wa Marekani Donald Trump ambao wamekuwa wakitofautiana kibiashara, wamezungumzia kuhusu maambukizi ya Corona.

Aidha, Beijing  imekasirishwa na hatua ya Marekani kuwazuia watu waliotoka nchini China hivi karibuni kutembelea nchi ya Marekani.

                                                                                      Mwisho.

Latest News

OPARESHENI YA KUSAKA WAHALIFU NCHINI:Watuhumiwa 504 wakamatwa na polisi.
14 Feb 2020 18:00 - Grace Melleor

Jeshi la Polisi Nchini limefanikiwa kuwakamata watuhumiwa 504 wa matukio mbalimbali ya uhalifu akiwemo Mganga wa kienyej [ ... ]

KUSHUGHULIKIA MASUALA YA MUUNGANO:Dkt Shein amhakikishia Zungu ushirikiano.
14 Feb 2020 17:48 - Grace Melleor

Rais  wa Zanzibar na Mwenyekiti wa Baraza la Mapinduzi Dk. Ali Mohamed Shein amemuhakikishia Ushirikiano Waziri wa Nchi [ ... ]

BURIANI IDDI SIMBA:Umati mkubwa wajitokeza kumzika jijini Dar es Salaam.
14 Feb 2020 17:21 - Grace Melleor

Mwili wa aliyekuwa waziri wa viwanda na baishara katika serikali ya awamu ya tatu Idd Simba umezikwa Ijumaa hii jijini D [ ... ]

Other Articles

Social Media

Copyright © 2020 . Star Tv - Tanzania. All Rights Reserved.