Star Tv

Waziri mkuu wa Jamhuri ya Muungano wa Tanzania Kasim Majaliwa, amewataka wakuu wa polisi kutoka nchi kumi na nne zinazounda shirikisho la EAPCO kuweka mikakati itakayo saidia nchi zao kukabiliana na tatizo la uhalifu unaovuka mipaka ikiwemo wimbi la biashara ya madawa ya kulevya ,utakatishaji wa fedha, bidhaa bandia na usafirishaji wa binadamu.

Akifungua mkutano wa ishirini na moja wa shirikisho la wakuu wa polisi mashariki mwa Afrika kwa niaba ya Raisi wa jamuhuri ya muungano wa Tanzania John Pombe Magufuli ,waziri mkuu amesema bado nchi wananchama zinakabiliwa na uhalifu kwa kukosa sheria moja katika kukabilina na wahalifu. Waziri mkuu ameeleza kuwa ili jitihada zinazo fanywa na wakuu wa majeshi ya polisi ziweze kufanikiwa utashi wa kisiasa unahitajika ili kuvipa nguvu vyombo vya dola katika kutekeleza majukumu yao . Kufunguliwa kwa mkutano huu kunatoa fursa ya Tanzania kuwa mwenyekiti mpya wa shirikisho hilo kupitia kwa mkuu wa jeshi la polisi Simon Sirro . Mwenyekiti mpya wa EAPCO Simon Sirro na mwenyekiti aliyemaliza muda wake Luthen Generali Adil Mohamedi kutoka Sudan wanawaomba wakuu wa majeshi ya polisi kutoa ushirikiano kwao ili kufikia malengo kusudiwa katika kukabiliana na uhalifu unaovuka mipaka. Hii ni mara ya pili kufanyika kwa mkutano huu tangu ulipofanyika kwa mara ya mwisho mwaka 2002 ukiwa ni utaratibu wa kawaida wa shirikisho hilo kufanya mkutano katika nchi inayopokea uwenyekiti.

Latest News

MIUNDOMBINU MIBIVU YAWAKOSESHA RAHA MADEREVA NA WAFANYABIASHARA.
23 Feb 2020 17:52 - Grace Melleor

Maafisa usafirishaji na wafanya biashara wadogo wa kituo cha mabasi Halmashauri ya mji wa Makambako wameiomba halmashaur [ ... ]

MWENYEKITI FEKI ALIYEUZA ENEO LA UMMA, WAITARA ATOA AGIZO AKAMATWE.
23 Feb 2020 17:10 - Grace Melleor

Naibu waziri  wa Nchi  Ofisi ya Rais  TAMISEMI Mwita Waitara amemwagiza Mkuu wa Wilaya kwa kushirikiana na Jeshi la P [ ... ]

RUSHWA KUTOKA KWA WAFUGAJI YAWAPONZA POLISI MOROGORO.
23 Feb 2020 16:39 - Grace Melleor

Mkuu wa Mkoa wa Morogoro Loata Ole Sanare amemuagiza Kaimu Kamanda wa Polisi Mkoani humo Kamishina Msaidizi wa Polisi Mu [ ... ]

Other Articles

Social Media

Copyright © 2020 . Star Tv - Tanzania. All Rights Reserved.