Star Tv

Wizara ya mambo ya ndani ya Jamhuri ya Kidemokrasia ya Congo imethibitisha taarifa ya kuwepo kwa kisa cha kwanza cha ugonjwa wa Ebola, siku ya Jumapili, katika mji ulio mashariki mwa nchi hiyo wa Goma wenye takribani wakazi milioni 1.

Kwa mujibu wa taarifa ya wizara hiyo, mtu aliyeripotiwa kuwa na ugonjwa huo ni kiongozi wa kidini ambaye aliambukizwa akiwa ziarani mjini Butembo ambapo alichangamana na watu waliokuwa na maambukizi ya ugonjwa wa ebola. Kuripotiwa kwa kisa hicho, kumeibua hofu ya ugonjwa huo kusambaa kwa haraka katika eneo hilo lenye watu wengi lililo mpakani na nchi jirani ya Rwanda. Ugonjwa wa ebola uliibuka DRC mwezi Agosti mwaka uliopita na kusababisha zaidi ya vifo 1, 600 nchini humo.

 

CHANZO: Idhaa ya Kiswahili DW

Copyright © 2020 . Star Tv - Tanzania. All Rights Reserved.