Star Tv

Bodi ya Filamu Kenya inasema kuwa filamu kuhusu maisha ya wanandoa wa jinsia nchini Kenya imepigwa marufuku nchini humo.

Katika taarifa KFCB imesema filamu ya I am Samuel, inahamasisha ndoa ya wapenzi wa jinsia moja ambayo inakiuka sheria inayoharamisha ushoga.

Iliongeza kuwa filamu hiyo pia ilikuwa "inabeza katiba inayotambua familia kama msingi wa jamii na inafafanua ndoa kuwa kati ya watu wawili wa jinsia tofauti".

"Jaribio la kufanya onyesho, kusambaza, kutangaza au kuwa na filamu hiyo iliyopigwa marufuku nchini Kenya kutakabiliwa kisheria,”- Chris Wambua, Kaimu Mkuu wa Bodi ya Filamu, aliwaambia wanahabari.

Filamu hiyo, iliyoelekezwa na Peter Murimi, ilitolewa mwaka jana, ni filamu iliyoandaliwa kwa zaidi ya miaka mitano na inaangazia uhusiano wa Sam na mpenzi wake Alex dhidi ya kuongezeka kwa vurugu na ubaguzi.

Aidha, KFCB ilitoa uamuzi juu ya filamu hiyo kwani ilikuwa imeombwa kuipa uainishaji.

#ChanzoBBCSwahili

Latest News

UFARANSA YAZINDUA MAGARI YA UMEME HAPA NCHINI.
20 Oct 2021 15:31 - Grace Melleor

Waziri wa Biashara na uchumi nchini Ufaransa Franck Riester amezindua magari ya umeme yaliyoundwa na kampuni ya E-Motion [ ... ]

UHITAJI WA NYAMA WAONGEZEKA NCHINI.
20 Oct 2021 15:23 - Grace Melleor

Serikali imesema malalamiko yaliyojitokeza hivi karibuni ya kupanda kwa bei ya nyama nchini yanaashiria ukuaji wa sekta  [ ... ]

UGANDA YAZINDUA GARI LA KIVITA LILILOUNDWA NCHINI HUMO.
19 Oct 2021 18:03 - Grace Melleor

Jeshi la Uganda limezindua gari la kivita lililoundwa nchini humo.

Other Articles

Social Media

Copyright © 2021 . Star Tv - Tanzania. All Rights Reserved.