Waziri wa Mifugo na Uvuvi Luhaga Mpina amesema serikali itawachukulia hatua ikiwa ni pamoja na kuwasimamisha kazi watumishi wa idara ya uvuvi na maafisa uvuvi kwenye halmashauri zote nchini watakaoshindwa kutekeleza majukumu yao kwa uadilifu katika kutokomeza uvuvi haramu.

Zaidi ya watu milioni tatu wameendelea kunufaika na sekta ya uvuvi katika ziwa victoria ikiwemo uchakataji wa samaki, utengenezaji wa zana na vyombo vya uvuvi, pamoja na biashara ndogondogo.

Licha ya serikali kuendelea kupambana na changamoto ya uvuvi haramu ili kuhakikisha rasilimali za uvuvi zinaboreka bado baadhi ya watendaji wa serikali ni kikwazo.

Waziri wa mifugo na uvuvi Luhaga Mpina anabainisha hilo katika zoezi la kuteketeza zana haramu za uvuvi zenye thamani ya zaidi ya shilingi milioni 450 kwenye kijiji cha Kageye wilayani Magu mkoani Mwanza zilizokamatwa katika operesheni ya siku tano kwenye Wilaya hiyo na Wilaya Busega mkoani Simiyu Aidha ameitaka jamii kujiepusha na uvuvi haramu kwani serikali haiko tayari kumvumilia mtu yeyote ataye jishughulisha na shughuli hiyo.

Hata hivyo wakuu wa Wila za Magu na Busega pamoja na wadau wa uvuvi wamesema zoezi hilo ni endelevu. Katika oparesheni ya kudhibiti uvuvi haramu iliyofanyika katika wilaya hizo mbili jumla ya shilingi milioni 125 zimepatikana baada ya wavuvi kutozwa faini kutokana na makosa mbalimbali ya Uvuvi.

Picha na mtandao.

Latest News

Amtumia ndugu yake kutoroka jela
14 Feb 2018 14:15 - Mohamed Mnzava

Mamlaka nchini Peru zimemkamata mfungwa zaidi ya mwaka mmoja tangu atoroke jela kwa kumuacha ndugu yake pacha katika naf [ ... ]

Ukame Cape Town umekuwa 'Janga la kitaifa'
14 Feb 2018 14:05 - Mohamed Mnzava

Afrika kusini imetangaza ukame unaoshuhudiwa Cape Town - mji unao elekea kuishia bila ya hata tone la maji - kuwa janga  [ ... ]

Waziri Mwigulu azungumzia kampeni kuhusishwa na tukio la Mbunge Lissu
14 Feb 2018 13:51 - Mohamed Mnzava

Waziri wa Mambo ya Ndani ya Nchi Mwigulu Nchemba amewataka wanasiasa kuacha kutumia kesi ya kuumwa kwa Mbunge wa Singida [ ... ]

Other Articles

Social Media

Copyright © 2018 . Star Tv - Tanzania. All Rights Reserved.